A boca chea de terra

Comentario de María Rodríguez González




A boca chea de terra
Branimir Šćepanović
Rinoceronte

“A boca chea de terra” de Branimir Šćepanović é un libro de intriga que conta unha historia dende dous puntos de vista: por un lado o protagonista (un home xove cunha enfermidade terminal) e por outro, un grupo de persoas que o perseguen (dous cazadores, un pastor, un policía...). O autor describe moi detalladamente a paisaxe e o entorno no que se move o protagonista.

O protagonista quería rematar coa súa vida pero non o consigue tal e como o esperaba (en silencio e no bosque que lle recordaba a súa infancia).  Aproveitou unha parada de tren para coller camiño cara ao bosque. Empuxado polo seu pensamento e desexo de acabar coa súa vida, corre e corre “como un animal doente e indefenso” para ningures e ao mesmo tempo é perseguido sen motivos.

Este libro aínda que é moi breve, 72 páxinas, ten a súa dificultade. O autor non só conseguiu captar toda a miña atención senón que tamén conseguiu que nalgúns momentos me estresase. O tema principal para min é a soidade.

Como di o título, o protagonista acaba “coa boca chea de terra”.

Recoméndoo.

As decisións non sempre son firmes senón que ás veces entramos en contradicións.