ESTA É A PÁXINA EXCLUSIVA DAQUEL ALUMNADO QUE QUERE COMENTAR, OPINAR E REFLEXIONAR SOBRE AS SÚAS LECTURAS.
UN RECUNCHO FEITO POR E PARA EL.

30/04/09

Sardinia Blues

Comentario de Susana Cumbraos

Sardinia Blues
Flavio Soriga
Galaxia

Este libro chegou ás miñas mans nun momento no cal o meu destino, ao igual ca o dos protagonistas, era incerto; recomendado por unha persoa que un día me dixo que lle gustaban os meus comentarios sobre as lecturas: grazas, Ernesto.
Despois dunha longa espera, rematei o libro e é agora cando lle podo agradecer o agasallo.
O por que? Moi sinxelo... había tempo que andaba na procura de algo así, e ata o de agora non o atopara. A verdade é que é un tanto estraño que torne de Miguel Anxo Murado, coas súas duras e crueis historias da guerra, a Flavio Loriga, quen escribe nunha liña realista, pero á vez é quen de facernos sentir aquilo que está no máis fondo dun mesmo. Porén, Flavio Loriga conseguiu extraer de min unha serie de sentimentos encadeados entre si, como a amizade e a traición, o amor e o desamor, o risco e a aventura...
A historia en si vai dun mozo cunha serie de problemas familiares aos que se unen os sentimentos e tamén unha dura enfermidade que o corroe por dentro dende pequeno.
Dito así, semella que o libro zumegue tristura, pero non. A min máis ben fíxome sorrir pola ideas tolas dos protagonistas e en moitas páxinas mesmo me identificaba con eles.
Atrévome a asegurar que se o libro ten tanto éxito, xa excluíndo o argumento, é por como está narrado. Cunha lingua cotiá e de fácil acceso.
Quero outro igual!

29/04/09

Conexión Tubinga


Comentario de Susana Cumbraos

Conexión Tubinga
Alberto Canal
Xerais


Forma parte dese tipo de libros que non só che permiten coñecer a vida doutras persoas, senón que che fan reflexionar sobre o lido.
Eu a min mesma non me tacharía como atea... pero tampouco como crente... máis ben encóntrome nun punto no cal preciso ver todo para darlle creto.
Todos os temas a tratar neste libro xiran ao redor da existencia de Deus, pero tamén cuestiona e profundiza noutros temas como a liberdade, o porqué da existencia, o nihilismo de Nietzsche, o porblema da castidade... e outros máis comúns nas novelas coma o amor, a amizade, a aventura...
É un libro diferente aos demais polo feito de que fai cavilar sobre as páxinas lidas dun xeito máis intenso ca calquera outro.
O que máis me gustou foi que presenta a realidade baseándose no pasado.


27/04/09

Mércores de cinza

Comentario de Silvia Villar García

Mércores de cinza
Miguel Anxo Murado
Galaxia


Polo título, pensei que ía ser un libro completamente diferente. Non cría que ía tratar de diferentes historias que captaran distintos aspectos da vida dos protagonistas, que reflicten os problemas da vida cotiá de cada persoa, situacións nas que non pensamos, pero que están aí.
Non todas as historias me transmitiron o mesmo pero tampouco as tiraría do libro.
Gustaríame que o libro non rematase xa que me atraeu de tal xeito que vía nas súas palabras moito máis que a simple aparencia.
Quedoume mágoa de non coñecer o escritor e poder preguntarlle con que historia se sentía máis unido.

26/04/09

Conexión Tubinga


Comentario de Antía Iglesias Otero


Conexión Tubinga
Alberto Canal
Xerais


É a historia dun mozo que se atopa nun seminario e que loita e pescuda sobre o prohibido ata tal punto que abandoa a súa ordenación.
Non foi un libro que me entusiasmara, fíxoseme moi denso e lieieme cos diálogos.


24/04/09

Mércores de cinza

Comentario de Patricia Taboada Espiño

Mércores de cinza
Miguel Anxo Murado
Galaxia


Cando comecei a ler o primeiro capítulo, gustoume moito a historia que contaba, por iso ao comezar o segundo leveime unha desilusión, xa que non tiñan nada que ver.

Por outra parte, non entendía, non me tiñan sentido nin relación os relatos entre eles. Parecíanme cousas totalmente independentes, pero logo da visita de Murado atopeille todo o sentido, xa que antes non me parara a pensar no que el nos explicou.

O capítulo que máis me gustou foi o primeiro, xa que me sentía como se estivese alí nese momento. Outro que tamén me encantou foi "Ninguén te vai axudar", xa que conta uha realidade que, por mala sorte, ocorre todos os días. Pero outros, en cambio, non m gustaron moito xa que non lle atopo graza ningunha, nin me chamaron a atención. Por exemplo o d´"A nada" non espertou en min sentimento de ningún tipo.

23/04/09

Mércores de cinza

Comentario de Enma Vázquez

Mércores de cinza
Miguel Anxo Murado
Galaxia



Dentro do libro uns relatos gustáronme moito máis que outros,como é o caso do relato titulado "Ninguén te vai axudar" ou "A nada".
Cando lía o libro pensaba que os relatos serían inventados, pero coa visita de Murado e as historias que nos contou sobre o libro entendo moito máis.

22/04/09

Encontro con Miguel Anxo Murado

Onte tivemos a sorte e a honra de compartirmos a xornada con Miguel Anxo Murado, un home cheo de sorpresas e conversas abraiantes que nos fixo pasar un día -a pesar de todo- agradable e instrutivo. Falounos non só dos seus libros e da súa experiencia vital, senón que tamén comentamos o horror das guerras, da necesidade de defender e falar a nosa lingua, do encontro dos galegos polo mundo, do oficio do xornalismo, da visión que se ten de nós por aí fóra, da presenza dos xornalistas nas guerras, de sentimentos, de impresións, de guións cinematográficos, das escolas palestinas, da dureza da vida, do deserto... O alumnado de 4º de ESO e 1º de Bacharelato fixeron moitas preguntas a un persoeiro que tanto nos puido ofrecer.
Anteriormente, acompañara ao alumnado de 3º de ESO de Relixión para lles falar do conflito árabe-israelí. E logo da agradable e aleccionadora comida que compartimos, reflexionamos no club de lectura sobre Israel, da súa situación, dos seus habitantes, dos seus odios e temores...
Aprendemos tanto que aínda non acabamos de asimilalo!




Grazas de todo corazón por vires.
E grazas a Fernando e á editorial Galaxia por agasallárnolo.

Ruído


Comentario de Antía Iglesias Otero

Ruído
Miguel Anxo Murado
Galaxia



É a mostra dos relatos do día a día dunha guerra.

Os que máis me gustaron foron "Ruído" e "Insomnio". O primeiro é un relato contado por xornalistas no que se fala da morte de xente inocente, que non ten nada que ver cos enfrontamentos. O segundo transmite a dor que tamén senten os que están loitando fronte á morte de xente inofensiva.

Ruído


Comentario de Eva García Bibián


Ruído
Miguel Anxo Murado
Galaxia

Este libro relata unha serie de sucesos sobre a guerra e cada unha das historias amosa os sentimentos que nelas afloran por parte das persoas que a viven.
O relato que máis me gustou foi "Nas mans de Deus" pola presenza dun Deus superior antes os desastres da guerra e a visión que teñen as persoas ante a salvación dese Deus.
Non foi dos libros que máis me gustou. Despois de ler Mércores de cinza penseis que os sentimentos que en min provocarían serían diferentes pero non chegou a afondar como eu eu agardaba.
Espero ler máis libros do tipo Mércores de cinza para que poidan chegar a espertar eses vellos sentimentos.

Mércores de cinza

Comentario de José Antonio Rey García

Mércores de cinza
Miguel Anxo Murado
Galaxia


Gustoume o libro de Murado, gustoume que tivese diferentes historias no seu interior e gustoume non saber o final de ningunha delas.
Debo recoñecer que non todos me gustaron, pero o feito de pasarme o traballo de maxinar o remate de cada historia fai que, nunha persoa preguiceira coma min, connote intención e interese pola miña parte.
É curioso, pero deime conta de que me gustaba o libro cando ao remate dun relato me poñía a pensar sobre este e os seus posibeis finais.


Fin de século en Palestina


Comentario de Antía Iglesias Otero


Fin de século en Palestina
Miguel Anxo Murado
Galaxia


É a mostra da realidade dos conflitos das guerras actuais, por iso este libro foi especial, porque ás veces méteste na pel do narrador e vives cos continuos bombardeos e experimentos a guerra.
É impresionante o xeito de reflectir como son capaces de durmir co estoupido das bombas e o modo no que estas se converten nalgo normal e diario.

21/04/09

Mércores de cinza

Comentario de Laura Carballo Mato

Mércores de cinza
Miguel Anxo Murado
Galaxia


ESte libro gustoume bastante. Non me encantou pero tampouco me decepcionou.
Chamoume a atención que fose un libro de relatos porque non o pensara antes de comezar a lelo.
O libro fálanos de distintas etapas da vida do ser humano, reflectidas moi ben.
En xeral, recomendo o libro porque é de fácil lectura, aínda que hai relatos que non me gustaron.

Mércores de cinza

Comentario de Rocío Pena López


Mércores de cinza
Miguel Anxo Murado
Galaxia


Este libro non me gustou moito. Son unha serie de relatos dos que menos me gustou foi "Ninguén te vai axudar" porque o o vexo como unha realidade demasiado cotiá. O que máis me gustou foi o primeiro relato, ver como un rapaz ten forzas para se enfrontar a un incendio e como as persoas ás persoas lles importa máis o cemiterio que as súas propias casas.

Mércores de cinza

Comentario de María Agustina González

Mércores de cinza
Miguel Anxo Murado
Galaxia



Este libro é moi facil de ler, máis do que pensaba. É sinxelo e entretido, aínda podería dicir que máis que entretido foi divertido. Gustoume, si gustoume moito. Ao principio, pareceume raro, un libro sen ter unha historia concreta, cos protagonistas, antagonistas, unha mesma introdución, nó ou desenlace. Había varias historias sen estar entrelazadas unhas con outras onde ao principio pode resultarche lioso porque como dixen antes non é o que esperabas... Estas historias son curtas pero fermosas, ao acabar de lelas pensas que como puido facer o escritor para contar algo que teña tanto sentido, que che faga pensar e aínda por encima penses nela cando acabaches. Non é un traballo doado iso de facer unha historia bonita pero curta, e algunhas aínda eran máis ca outras.

Sorprendeume o libro, polas historias, polo que contaban nelas, pola estrutura, porque non é o que esperabas, por iso é por todo. Onde aquí non podes destacar unha soa historia, tes que falar de unha ou de ninguna. Todas poden gustarche por cada cousa que trae, polas expresión que utiliza nesa historia. Que iso si que o quería destacar, encantame en cada historia frases que che van reflexionar pero que están moi metidas no que ocorría polo que non te quitaba do que estabas lendo e te facía pensar logo, ao acabar co pequeno relato.

Unhas das frases " Por sorte non teñen idade para comprender que aquela sombra que planou sobre as súas cabezas durante un instante era a sombra mesma do sufrimento, da dor, da morte." Esta é unha de moitas e moitas que podes atopar e te fan pensar. Tamén pode ser por iso que atopei o libro tan atractivo.

Gustariame que o lerades, que non vos vai desilusionar. Pasaredes lendo un rato divertido, reflexionando, pensando, volvendo a ler esas frases que tanto chocan ao principio e resultan do mellor ao final. Mércores de Cinza paga a pena.

20/04/09

Mércores de cinza

Comentario de Sara Vallo Munín

Mércores de cinza
Miguel Anxo Murado
Galaxia



Cando lin o título deste libro pensei que sería un libro relacionada coa relixión, pero non me podia imaxinar que era un libro de historias, sobre todo de historias tan emocionantes. Un relato que me gustou especialmente foi "Dous amigos", non sei especialmente por qué, quizais porque ese día lin parte de libro e lino bastante rápido. Neste libro descubrín unha forza de ler, sen ser a típica historia pesada, aínda que había historias que se me facían pesadas, polo xeral, lino bastante rápido. Canda vas lendo o libro non te decatas de que algúns relatos representan unha escena da vida cotiá. Cría que ler un libro en relatos era bastante aburrido e tedioso, pero ao final gustoume bastante, máis do que eu pensaba!

Mércores de cinza

Comentario de Noelia Rosende López

Mércores de cinza
Miguel Anxo Murado
Galaxia

Empecei lendo este libro con gusto xa que o primeiro capítulo me parecera interesante e fácil de ler, pero cando máis adiante vin que os capítulos non tiñan nada que ver uns con outros pareceume unha perda de tempo lelo. En realidade non me gustou nadiña; e sinto ser tan estricta pero a verdade é que xa había tempo que non lía un libro tan malo.

O único positivo que podo dicir del é que se le con facilidade e que en ocasións aparece o dialecto lucense, que para os que non estamos afeitos a oílo pode parecer singular.

Mércores de cinza

Comentario de Lorena Villar García

Mércores de cinza
Miguel Anxo Murado
Galaxia



Este é un libro con varios relatos entretidos, que fan referencia a distintos problemas da vida, moitas veces identificativos.
É curto e fácil de ler, aínda que eu pensaba que ía ser un coñazo, por estar composto por varios relatos.
O libro non é que me fascinase moito, porque a min gustaríame que fose unha historia soa.
Deime de conta que moitos de nós podémonos identificar con algunha desas historias.
Recomendo a lectura do libro, porque creo que é un libro que nos fai reflexionar a todos.

Mércores de cinza

Comentario de Lorena Villar García

Mércores de cinza
Miguel Anxo Murado
Galaxia



Este é un libro con varios relatos entretidos, que fan referencia a distintos problemas da vida, moitas veces identificativos.
É curto e fácil de ler, aínda que eu pensaba que ía ser un coñazo, por estar composto por varios relatos.
O libro non é que me fascinase moito, porque a min gustaríame que fose unha historia soa.
Deime de conta que moitos de nós podémonos identificar con algunha desas historias.
Recomendo a lectura do libro, porque creo que é un libro que nos fai reflexionar a todos.

Mércores de cinza

Comentario de Marcos González Fernández


Mércores de cinza
Miguel Anxo Murado
Galaxia


Impactoume moito o conto do pequeno Samuel, porque sendo un rapaz tan pequeno, que se sinta tan triste e o pase tan mal na escola, paréceme moi triste.
Empaticei moito co protagonista do relato titulado Nin o Austro, polo seu carácter: tenacidade, firmeza, etc..
Non entendín o final do conto Dous amigos.
Persoalmente, estes libros con historias curtas gústanme bastante, xa que como xeralmente se dan lido enteiras dunha tirada, non se perde o fío da historia e non son moi complexas, así que son sinxelas de ler. Pero para a miña opinión teñen unha péga: que moitas veces carecen de historia, é dicir, que son tan pequenas que teñen unha historia ás veces sen moito interese.

Concretamente este libro agradoume bastante, aínda que non foi dos mellores que lin, ao meu entender.

Mércores de cinza

Comentario de Antía Iglesias Otero

Mércores de cinza
Miguel Anxo Murado
Galaxia



É o libro que máis me gustou de entre os tres que lin de Miguel Anxo Murado. Transmite o mesmo ca Ruído. A realidade do día a día cotiá con sucesos frecuentes.
O meu favorito é "Dime algo bonito", o espello de como todos observamos o mundo cando somos pequenos e como desexamos ter e facer o mesmo que os demais aínda que sexa prohibido.


19/04/09

Mércores de cinza

Comentario de Thalía Troitiño González

Mércores de cinza
Miguel Anxo Murado
Galaxia


Creo que este libro ten relatos verdadeiramente entretidos e que me gustaron bastante. Tamén é verdade que algúns se me facían monótonos, como se xa intuíra o que ía pasar.
Un dos que máis me gustou foi o de "A floración das cerdeiras", non sei moi ben por que, pero fíxome sentir ben. Será porque a historia do Profesor L. me fixo cavilar en que a vida é demasiada curta e moitas veces enchémola de cousas insignificantes e de pequenos detalles que son os que verdadeiramente lle dan sentido.
Creo que as persoas vivimos sempre con algunha incertidumbre, non a damos resolto e non nos atopamos tranquilos. Neste caso, o Profesor L. no fondo non daba desafogado o sentimento de dor e pena que lle facía sentir a enfermidade que o ía levar á morte. El non era quen de aceptar que ía morrer, non o encaixaba. Pero no momento que aceptou e comprendeu que o seu camiño xa atopara o final conseguiu a calma que tanto anhelaba. A pesar de que sabía que lle quedaba menos para morrer, era feliz, pois pronto o seu sufrimento remataría.
Recomendo o libro, pois é curto e fácil de ler, e ten relatos que seguro vos van gustar. Paga a pena.

18/04/09

Mércores de cinza

Comentario de Lorena Bibián Caramés


Mércores de cinza
Miguel Anxo Murado
Galaxia


Este libro dá a entender que todos os relatos son parte das longas etapas do ser humano. Gustáronme moito os relatos de "Mércores de cinza" e "Dime algo bonito". En xeral, o libro é interesante e moi fácil de ler.
Cóntanos a experiencia de distintas persoas que sufriron ao longo da súa vida, e que nos falan da infancia, amigos, pelexas por rapazas, o sufrimento dun incendio...
Gustoume moito.

17/04/09

Mércores de cinza

Comentario de Carla Gómez Ferradás


Mércores de cinza
Miguel Anxo Murado
Galaxia



É un libro moi bonito que nos trata de explicar os cambios humanos mediante relatos que nos falan de distintas etapas da vida e de como cambiamos nelas e como nos enfrontamos a elas.
Gústame moito esa sensación que deixa o libro logo de lelo.
Podo recomendalo porque é marabilloso.


16/04/09

Casas baratas

Comentario de Thalía Troitiño González


Casas baratas
Antón Riveiro Coello
Galaxia


Foi importante para min coñecer ao autor antes de enfrontarme á lectura deste libro, xa que me influíu para entender moito mellor algúns detalles e saber que ía pasar nalgúns momentos.
Para min, este autor escribe moi ben e todos os libros que lin del me gustaron, por iso recomendo que o o leades, pois ides disfrutar moito. Ten un xeito particular de enganchar coa súa escrita, e cando o coñecemos démonos conta de que tamén o fai ao achegársenos.
Casas baratas está baseado na súa vida, as anécdotas que a enriqueceron e que axudaron a formalo para ser como é hoxe.
Unha das partes que máis me fixo rir foi cando el foi para o coche do seu amigo coa rapaza que lle gustaba, non sei se foi porque o lembraba a el contándonolo ou pola situación en si, pero paseino moi ben.
Lédeo, en serio. Ides pasalo ben.

15/04/09

A esmorga

Comentario de Thalía Troitiño González


A esmorga
Eduardo Blanco Amor
Galaxia


Recomendo este libro, pois considero que é unha parte importante da literatura.
Considero que nun principio me foi un pouco difícil de ler, pois non estou acostumada a ler o galego do século XX. Pero tamén hai que dicir que despois me acabei acostumando a certas palabras.
Para min este libro foi entretido e en gran parte divertido.
Os tres protagonistas son moi peculiares e á vez moi distintos entre si. Creo que se reflicte con claridade como uns son quen de arrastrar aos outros a facer algo.
Espero que todo aquel que se propoña ler este libro chegue ao final e non se rinda antes, polo feito de que sexa un pouco complicado.


14/04/09

Siddhartha

Comentario de Laura Carballo Mato

Siddhartha
Herman Hesse
Galaxia

Siddhartha pareceume un libro fermosisísmo. Xa dende as primeiras páxinas souben que era un libro diferente aos que lera antes, e fixo que me encantase desde as primeiras páxinas ata as últimas.
É incrible como un neno, intelixente e querido, decida abandonar xa dende pequeno á súa familia para dedicarse a atopar a paz.
Gustoume como Siddhartha nunca se atopaba completo, e aínda sendo o mellor decide abandonar esa vida para tentar ser un Buda- E con iso tivo tamén o valor de abandonar ao seu fiel amigo.
Chamoume moito a atención cando comezou a meterse no mundo matinal e era capaz -ao principio- de conseguir todo o que desexaba só cos valores que aprendera na súa etapa espiritual: xaxuar, pensar e agardar.
Nesa etapa coñeceu o amor dunha muller e caeu en todos os vicios que tanto detestaba. Esta parte, sen dúbida, foi a que menos me gustou xa que a imaxe de Siddhartha, aquel ser case perfecto, botouse á perda, na miña opinión.
Pero logo deuse conta e deixou ese mundo. Gustoume que fixese iso, aínda que podería facelo antes.
Tamén me pareceu moi interesante a figura do barqueiro, xa que se lle deu pouca importancia e pareceume un personaxe fantástico. Ensinou moitas cousas a Siddhartha.
E como non, o final, un final que non me sorprende xa que o maxinaba dende as primeiras páxinas e é o mellor final que podía ter este libro.

Aconsello ler Siddhartha xa que a min pareceume un libro diferente, e ata agora o que máis me gustou dos que lin. Ten moitas cousas que fan reflexionar e encontoume a maneira de falar e todo o que di Siddhartha.
É un libro marabilloso

13/04/09

Mércores de cinza

Comentario de Mateo Cornado

Mércores de cinza
Miguel Anxo Murado
Galaxia


Este libro gustoume moito, sobre todo algunhas historias, como a primeira, ou a do rapaz que mata o gato, mentres que outras non tanto. O que me fascinou moito foron as palabras propias da súa zona, que utiliza para escribir o libro.
Eu prefiro libros así con historias distintas.

12/04/09

Mércores de cinza

Comentario de Cristina Ares Carballude


Mércores de cinza
Miguel Anxo Murado
Galaxia



A verdade é que comecei a ler o libro como por obrigación, sen ganas ningunhas de poñerme a lelo. O seu título así en si, non me entusiasmaba moito. Comecei con ganas de que terminase xa, pensando que era unha novela coma outra calquera ata que me der conta de que estaba composta por varios relatos, que para nada espertaron en min ese afán por seguir lendo por querer saber máis e máis; non era capaz de sentirme dentro da historia como acotío me pasa. Sinceramente, había tempo que un libro non me decepcionaba tanto. Creo que me tivese gustado se o lese hai dous ou tres anos.


11/04/09

Mércores de cinza

Comentario de Patricia Villanueva Rodríguez

Mércores de cinza
Miguel Anxo Murado
Galaxia


Este libro gustoume moito, aínda que ao principio me sorprendeu bastante porque non sabía que era un libro de relatos. Entre os que máis me gustaron están: "Dime algo bonito" e "Dous amigos", e os que menos, sen poñer títulos, son os que tratan o acoso escolar e a violencia.
Sen dúbida, este é un libro para todos os gustos.

10/04/09

Mércores de cinza

Comentario de Gloria Lareo Neira

Mércores de cinza
Miguel Anxo Murado
Galaxia


Gustoume moito o relato "Ninguén te vai axudar", xa que reflicte a realidade e sobre todo me gustou como acabou o neno dicindo que as súas penas continuaban. Chegoume moito con estas palabras.
Tamén o relato "Vergoña" me chamou a atención: non sei onde, pero estou segura de coñecelo con anterioridade.

09/04/09

Mércores de cinza

Comentario de Adrián Furelos Sampayo


Mércores de cinza
Miguel Anxo Murado
Galaxia


Pois que dicir, para min o libro estivo moi ben, o único fallo que lle encontrei e que con cada relato cambiaba totalmente pero para min sería mellor que dese algo de información sobre cada historia antes de comezar a ler o relato na súa plenitude. O relato que máis me atrae e me satisfaceu foi o relato dos dous compañeiros ao que un dos dous lle chamaban "O Pego". Neste, os dous van en bicicletas visitar á muller que lles gusta ós dous, e durante o camiño unha das bicicletas rompe e o final do camiño por culpa dese sentimento de cariño cara aquela rapaza rómpese a súa amizade.

Mércores de cinza

Comentario de José Fontao Salgueiro


Mércores de cinza
Miguel Anxo Murado
Galaxia


É un libro que fala das diferentes etapas da vida e de diferentes experiencias. Algúns relatos gustáronme máis ca outros. Destacaría "Vergoña" e "Nese país distante": para min son os máis interesantes porque o segundo fala dunha familia norteamericana que non pode relacionarse co avó pola lingua; e o primeiro porque o rapaz fuxiu dunha pelexa e logo mata un gato para adquirir respecto, e así consígueo.