ESTA É A PÁXINA EXCLUSIVA DAQUEL ALUMNADO QUE QUERE COMENTAR, OPINAR E REFLEXIONAR SOBRE AS SÚAS LECTURAS.
UN RECUNCHO FEITO POR E PARA EL.

31/05/13

Cartas de Inverno

Comentario de Javier Barreiro Rey


Cartas de Inverno
Agustín Fernández Paz
Xerais





Cartas de Inverno foi un libro que tamén me gustou moito pola súa temática misteriosa. Como dixen no comentario de “Gárgola” os libros con esta temática adoitan gustar á xente nova e entretéñena con moita facilidade.

30/05/13

As sete mortes

Comentario de Manuel Fernández

 

As sete mortes
Carlos Vila Sexto
Galaxia 



O libro está bastante ben. Que manteña o misterio dende o principio ata o final fai que o lector queira lelo ata o final. Pareceume raro que estivera narrado en Galicia, xa que hai pouco libros que fagan isto. Paréceme algo bo que se escriban libros nos que haxa lugares galegos na súa historia. Non é difícil entender o libro porque emprega unha linguaxe sinxela. Eu recomendaría este libro á xente.

29/05/13

Gárgola

Comentario de Javier Barreiro Rey


Gárgola
Carlos Vila Sexto
Galaxia




Gárgola é un libro que me entretivo por ser unha narración de temática misteriosa. Tamén me gustou porque na miña opinión, os libros deste xénero enganchan moito e son moi fáciles de ler. É unha obra que recomendo. 
 

28/05/13

Pel de lobo

Comentario de Yolanda López


Pel de lobo
Xosé Miranda
Xerais




Este libro fala dun mozo e de seu pai, que era cazador de lobos. Chegan a unha cidade onde lles piden que os axuden a cazar uns lobos pero en especial a unhas lobas moi grandes e moi astutas. Ao final descobren que esas lobas eran fillas do alcalde da cidade que as convertera en lobas porque eran rebeldes e en lúa chea podíanse transformar, a forma de acabar co embruxo era queimando a pel nese intercambio, antes diso dispáranlle a unha das lobas, e pensaban que morrera cando a partir  diso descubriron a realidade a loba branca casou co rapaz e a loba negra desapareceu sen que ninguén volvera saber dela.
O libro está moi ben, é entretido. Eu non era de ler este tipo de libros pero a verdade é que lle dei a oportunidade a un e xa é o terceiro que leo.

27/05/13

Gárgola

Comentario de David Caamaño Santos


Gárgola
Carlos Vila Sexto
Galaxia




Libro entretido para quen lle gusten os libros de medo ou terror coma este, Jeremy ten un soño que se lle repite varias veces, e trata de saber por que o ten, ese é en trazos xerais o contido do libro.
Como dixen é un libro moi recomendable, entretido, e en especial para quen lle guste o xénero de terror.