Baixo mínimos
Diego Ameixeiras
Xerais
Baixo Mínimos é o segundo libro que leo deste autor, e o
que podo dicir é que grazas a el e aos seus libros gústame a novela negra.
Neste libro, o detective Horacio Dopico esperta pola mañá
co recordo da súa ex-muller, recibe o encargo de investigar o asasinto de
Adrián Seivane, un avogado de moita sona en Ourense. Todos teñen claro que foi
matado polo GIA, un grupo terrorista. Mentres investiga no caso é sometido a
varias malleiras por dito grupo, ademais aparecen varias mortes en cadea.
Nesta novela, Diego Ameixeiras tratou moitos temas: a
corrupción, que se reflexa nos negocios de Silvia Puga e Seivane, que só
estaban xuntos para realizar este negocios ilícitos; o terrorismo da man do
grupo rerrirista GIA; a prostitución... E tamén os malos hábitos do detective,
que tomaba cocaína e bebía moito whisky.
Un libro que me enganchou dende a primeira páxina que
lin, só pensaba en chegar ao final para descubrir o asasino de Seivane; eu
fíxenme compañeira de Horacio conforme ía pasando a lectura, tamén intentaba
eu buscar a pista e saber quen matara ao avogado.
Ademais como pola metade do libro ían aparecendo máis
mortes, a miña intriga ía en aumento.
Unha novela que é sinxela e fácil de ler, recoméndolla a
todos e todas, unha novela que paga a pena ler !
Sen comentarios
Publicar un comentario