O inferno de Marta

Comentario de José Castro Rozas

O inferno de Marta
Pasqual Alapont

Xerais

 

 

 

         Esta novela chamada “O Inferno de Marta” de Pasqual Alapont é un libro que, ao contrario dos anteriores, comezou a intrigarme case desde o principio. Pouco a pouco vai parecéndose máis e máis a vida, isto só é unha novela, pero reflicte dun xeito fantástico o sufrimento doutras mozas que, por desgraza, cren que a vida e coma un conto e que nunca pode ter un final que non sexa feliz, e á diferenza deste relato, eses problemas non se resolven con pechar un libro.

            A min, persoalmente esta novela invítame a pensar  e reflexionar sobre o sufrimento de moita xente, que sen ningún motivo vive o que explica cada liña desta composición, e a ensinanza que obteño desta lectura é que nunca debes deixar de lado aos teus verdadeiros amigos porque outra persoa te force a  facelo, ninguén pode decidir por ti, cadaquen é dono dos seus pensamentos.

            Na miña opinión, creo que o autor quere reflectir que non todo é tan bonito como parece, ás veces hai persoas que se esconden tras outra personalidade para logo manexarnos como se lle pertencésemos, e non é así, todos somos iguais e ninguén ten poder sobre ninguén.