Comentario de Helena
Pereiras Villamayor Os escaravellos voan á tardiña
María Gripe
SM
Os escaravellos voan á tardiña é un título
moi axeitado ao libro, xa que os escaravellos están presentes en moitos
momentos desta historia e axúndanlles aos tres rapaces a resolver os misterios
que se presentan nela.
Gustoume moito o libro e enganchoume, porque ten moita intriga e tamén
misterio. O que máis me chamou a atención foi a forma de pensar que ten Annika,
de buscarlle unha explicación a todo, xa que non é moi común en rapazas da súa
idade. Outra cousa a destacar é a relación que ten David coa planta Selandria,
que só se deixaba coidar por el.
Na miña opinión, o libro está ben en xeral, aínda que quizais lle quitaría
algunhas conversacións que hai polo medio que fan que resulte algo pesado. Polo
demais, recoméndollo a toda esa xente que lle gusten os libros de misterio.
Sen comentarios
Publicar un comentario