O achado do castro

Comentario de Juan Ares Pérez


O achado do castro
Manuel Núñez Singala
Sotelo Blanco

Este libro recolle unha pequena obra teatral cargada de humor, intentando provocar a risa en todo momento. E conségueo, sen dúbida ningunha. 

Desenvólvese na Antiga Roma, co Emperador Xulio César gobernando. Ao Emperador non lle parece ben que a súa querida filla Carmiñae estea saíndo co fillo da comerciante máis rica de toda Roma, Manolitus, e iso basicamente é o principal tema da historia, pero con moitos sucesos ligados a el. Por outra banda están os ladróns Catulo e Caleno, que intentan en todo momento roubar o medallón do Emperador, de xeito que Caleno permanece disfrazado do sabio do Emperador en todo momento, intentando non ser descuberto. A historia remata con plans de voda de dúas parellas, con soldados ascendidos a xenerais, con ladróns perdoados e cun escravo libre; un final surrealista e un tanto inesperado. 

Este libro recoméndollo a todo o mundo, xa que é un libro moi entretido e moi fácil de ler.