Bágoa de Lúa

Comentario de Juan Ares Pérez

Bágoa de Lúa

As Crónicas de Landereina

Sabela González

Galaxia

Un libro: Bágoa de Lúa, a primeira obra da triloxía As Crónicas de Landereina. Dúas palabras que o describan: máxico, intenso, fantástico, impactante... Vale , está ben, paseime, pero é  imposible describir este libro en tan só dúas palabras. A verdade é que o principio da historia non me convenceu moito, o que fixo que abandonara o libro algún que outro día. Ademais, o cambio de historias que fai custa bastante entendelo, pero despois vaste adaptando, encaixando cada palabra na túa cabeza, cada parágrafo na túa mente, cada páxina vaise metendo pouco a pouco no teu interior; o que fai que te olvides de todo, que ignores o teu arredor e o que non ten que ver co relato, e concéntraste única e exclusivamente na lectura. 

Este libro podo chamalo como eu ben diría unha desorde ben organizada. A historia dos Gheiroez, o control absoluto dos kaihunn gobernados pola traidora, a morte de Siastia e de Güen, o libro de Sirvian no que revela os segredos da Pedra de Lúa, o bosque de Etlual, o poboado dos elfos... Todo forma parte dunha apaixonante historia na que unha nena chamada Berenguela se vai facendo cada vez máis forte e menos nena, coa axuda da súa nova amiga Güenaela, que se mostra en todo momento fría e seria, pero que en realidade é un belísima persoa capaz de sorrir nos peores momentos.

Por todo isto, e por moitas máis cousas que descubrirás se les o libro, eu persoalmente recoméndollo  a calquera persoa, animal, planta ou mesmo alieníxena que lle guste o xénero fantástico, aventureiro, ou incluso misterioso; pero sobre todo recoméndollo as persoas que queiran deixar a un lado por un tempo a realidade e verse metidas noutro mundo diferente no que ti non es o protagonista pero disfrutas ou sufres como se o forses.