Dragal

Comentario de Patricia Lázara Framiñán


Dragal. A herdanza do dragón
Elena Gallego Abad
Xerais

Este libro gustoume moito, estou desexando ler a segunda parte. Ao principio, cando vin a portada, pensei que non me gustaría, pero a verdade é que me encantou, ademais é moi enganchadizo.

De Hadrián, admiro moito a súa coraxe e o ben que lle oculta o medo a Mónica, como nas catacumbas a primeira vez que baixan ou o día que quedan encerrados, o día definitivo, no que Hadrián se converte en dragón por primeira vez, ou o feito de converterse en dragón que non lle dá medo,...

De Mónica impresionoume moito que axudase a Hadrián a resolver o gran misterio. Tamén me impresionou o forte que é deixando ao seu amigo converterse en dragón.

Do párroco de San Pedro, don Xurxo, o feito de aturar tantos anos sen desvelarlle o gran segredo a ninguén e de esperar impaciente a un elixido que non sabía que ía ser... É sorprendente.

De Brais, ben, penso que non ten remedio, aínda que este libro non conta o que lle pasou ó final, creo que recibe o seu merecido.

Esperarei ó seguinte libro para resolver algunhas dúbidas que teño e sobre todo, para saber o que acontece con Hadrián!