As mil e unha noites

Comentario de Adrián Mato

As mil e unha noites
Vicens Vives

  

Eu xa lera unha adaptación deste libro cando era máis cativo. Tanto me gustara que o degustaba unha e outra vez sabendo o que ía pasar, mais agradábame recordar as aventuras que lle sucedían a cada quen. Foi para min unha sorpresa cando souben que debía ler este libro, xa máis completo, polo que me permitiu lembrar vellas historias xa esquecidas na miña mente e avivar o desexo de volver ler o meu antigo libro e comparalo con este novo. Podo asegurar que a maioría das historias concordan pero no antigo están contadas unha tras outra sen unha historia principal e no novo podes atopar esa historia principal que en certo modo dálle xeito á sucesión de relatos. Todos os relatos son moralizadores e invítante a reflexionar, xa sexa mediante fábulas, historias graciosas, grandes viaxes... Non podo pórlle pega a todas eses relatos que me acompañaron durante a infancia e que para min significou moito lembrar.