Cartas de Amor

Comentario de Mariña Castro Fontao


 

Cartas de amor
Fran Alonso
Xerais

Infinidade de libros, poemas e cancións tratan sobre o amor. Moitas veces véndennos o que non é, o "amor con photoshop", unha romántica relación tan ideal como irreal.

Cando comecei a ler Cartas de amor non pensei que ía atopar historias tan distintas e cativadoras.

Este libro consta de nove cartas de mulleres que escriben aos seus namorados, sendo isto un pretexto para descubrir as cruas situación das remitentes.

A vida mándalle adversidades, mais elas continúan fortes.

As miñas preferidas son O que nunca me preguntaches e Confesión, as cales considero as máis fermosas.

O autor ten moito mérito, ao meu parecer, por darlle vida a estas escritoras de cartas e por crear a súa realidade a partir das desgrazas máis variadas.

Pódennos parecer moi remotas, mais el fixo que as atoparamos moi cerca.

Este libro gañouse unha esquiniña no meu corazón.