Era por setembro

Comentario de Gabriel González Lois


Era por setembro
Xabier Quiroga
Xerais

O libro resultoume interesante, xa que se trata dunha historia cunha intriga que engancha e te mantén durante todo o relato en suspense. Todo isto, aderezado polo contexto histórico da época, que ademais de funcionar como fondo do escrito, proporciónache unha ensinanza e mostra como era a sociedade naqueles tempos, na cal unha das cousas máis importantes dunha persoa eran os seus ideais políticos, polo que as persoas opostas ao réxime eran perseguidas e incluso asasinadas.

Dentro de todo isto, pódese engadir as pequenas reflexións que a protagonista fai durante o transcurso da historia, que tamén son moi suxestivas e nos levan a pensar en situacións que ocorren na nosa vida e que poden resultar complexas de resolver, coas que sempre che quedan dúbidas, ou as típicas preguntas de: e se houbese feito iso? Ou, E se non escollera aquilo?

Con todo, houbo pequenos fragmentos do libro que me resultaron un pouco espesos, con isto quero dicir, pesados na lectura, xa que ás veces facíanche perder o fío da historia, coma se fosen incisos dentro do propio relato.

En resumo, é un libro moi completo.