Poetízate

Comentario de Sonia Troitiño Loureiro

Poetízate
Fran Alonso
Xerais

Poetízate foi un libro que me resultou do máis interesante. Non acostumo ler libros de poemas, de feito é o primeiro que leo, pero si é certo que me encanta a poesía porque con ela pódeste sentir identificado, pode cambiar o teu punto de vista sobre certas cousas ou mesmo o teu estado de ánimo e sobre todo  polo simple feito de que é capaz de dicir moito con tan só unhas poucas palabras. Ademais, o libro contaba con poemas de moitos poetas distintos e moitos deles resultáronme realmente orixinais. 

Sen dúbida, os meus poemas preferidos foron os de Lupe Gómez, nos que destaco "O amor", Quérote" e "Ninguén". Paréceme máxico o poder que ten para empregar situacións do máis común e dicir cousas tan fermosas.

A pesar disto, o meu poema favorito foi "Liquidación" de Lino Braxe , onde se refire ao amor dunha maneira un tanto especial:

Que terrible resulta mercar a felicidade

nas rebaixas do noso corazón.

Agora que o negocio vai á deriva

amarte e desexarte é unha dor necesaria.

Resultoume un libro moi fácil de ler e moi entretido tanto pola súa variedade coma polo contido de cada un dos poemas. Algúns deles resultáronme un tanto estraños pero iso en ocasións facía que fosen máis interesantes. Recomendo este libro a todos aqueles que lles guste ler poesía e lles guste a orixinalidade.