Agosto do 36

Comentario de Patricia Lázara Framiñán

Agosto do 36
Xosé Fernández Ferreiro
Xerais

Este libro de Xosé Fernández Ferreiro cóntanos a historia de como fusilan a balazos a Gregorio e mais á súa muller Sara. Todo isto aconteceu na vila de Abades, en agosto do 36 pouco despois de iniciar a guerra.

 Gregorio nace en Abades, pertence á familia dos Xirandóns que destaca por ser roxos e herexes. Estuda para mestre pero bota moito tempo traballando noutras vilas antes de ir exercer a Abades despois de que se xubilase o antigo mestre. Sara sempre fora unha muller fermosa e todos os homes querían casar con ela pero só tiña ollos para Gregorio, cando sacou o título de mestra foi traballar a Abades dende o principio. Pouco despois de que Gregorio regresase á vila, casaron e foron  vivir xuntos. 

Manuel era o fillo do Garabís, una familia que se calificaba como "xente ruín", sempre estivera namorado de Sara e mesmo dicía que ían casar, pero o Garavís adiantóuselle e isto fai que lle garde un gran rencor. Pertence ós falanxistas (mais ben é o cabecilla do grupo) que teñen como labor "darlle o paseo" a todos aqueles herexes.

O libro comeza contando como os veciños de Abades acoden á Touza un día despois de oír os seis disparos que enchen a todos de espanto. Ao chegar, ven a Sara espida, atada a unha árbore e cosida a balazos. Preto do cruceiro do Bispo atoparon o corpo de Gregorio con un tiro e coas súas partes cortadas e metidas na boca. A partir de aí, comézase a contar a historia unhas semanas antes, por parte dun narrador interno que di ser un veciño da vila.

Para o meu gusto foi un libro cheo de dor, paréceme incríble que Manuel, a pesar de amar a Sara,  ten o valor de apresala e atala á forza a unha árbore durante cinco días baixo o sol abrasador de agosto, e só para que Gregorio (que previamente escapara á serra para poñerse a salvo) se lle entragase e poder matalo. Sinceramente pensei que, a pesar de que ao principio do libro describe como atoparon a Sara, acabaría por perdoarlle a vida despois de saber que estaba embarazada de Gregorio, pero non foi así. 

Recomendaríalle este libro a todas as persoas que lles guste saber o final antes de ler toda a historia.