Hora Zulú
Santiago Lopo
Galaxia
Aínda que non foi un dos libros que máis
me gustou respecto ás recomendacións da nosa profesora durante todo este curso,
debo dIcir que este exemplar agocha un conxunto de historias relacionadas entre
sI que foron quen de deixarme coa boca aberta.
Un conxunto dividido en dúas grandes
partes, en dous grandes mundos; por un lado unha institución psiquiátrica, na
que os tolos, en ocasións, non son tan tolos, e
doutores que viven atormentados polo pasado, reúnense para reconstruír e descifrar a vida dun antigo paciente, un
profesor, que deixou unha vida chea de misterios e investigacións recollidas en
cadernos; por outra banda, pequenas historias disparatadas unidas por un único
lazo: un grupo de persoas que fan da ciencia un xogo misterioso, visto dende
outra perspectiva distinta a da maioría.
Un conxunto de rarezas e de mostras de
como a vida pode dar xiros inesperados e de como podemos sorprendernos coas
cousas que nos rodean. Moitas veces preguntámonos se realmente coñecemos ás
persoas que están ao noso carón, aquelas que sempre estiveron aí. Coñecémolas?
eu creo que non, todos agochamos algún segredo, algunha característica... algo
que os demais descoñecen de nós.
Sen comentarios
Publicar un comentario