Far-West

Comentario de Laura Presas Mato


Far - West
Carlos Negro
Xerais

Un libro que trata a desigualdade social. Que na actualidade ese é un tema moi común, xa que para moita xente non todos somos iguais e temos as nosas diferenzas. É un libro fácil de comprender, cando menos para min non tivo problema. Gustoume que trate estes temas porque están moi relacionados co presente.

As laranxas de Alí Babá

Comentario de Laura Presas Mato

As laranxas de alí babá
Carlos Negro

O libro en si non me chamou para nada a atención, os poemas tiñan relación coas laranxas tal como o título indica. O seu vocabulario é difícil e custábame comprender moitas cousas, por iso non entendín a meirande parte dos poemas. Este libro non estivo tan mal, pero prefiro ler outra clase de libros, porque senón, non comprendo o que din e non podo saber de que trata.

Héleris

Comentario de  Uxía Mosquera Castro


Héleris
Carlos Negro
Espiral Maior 

Gustoume moito este libro, está moi ben para ser un libro de poesía porque normalmente non os entendo, pero este a diferenza dos outros si. 

O libro ten dúas partes: Helena, na que conta o tránsito da vida desta, o período do que vai pasando de nena a muller, e de muller a nai e esposa. Outra das partes é: París, que conta a vida do marido de Helena. 

Este libro lino moi rapidamente xa que me enganchou e ten un vocabulario que se entende, aínda que con algunha palabra rara polo medio.

 

Cultivos transxénicos

Comentario de Martina Domínguez

Cultivos transxénicos
Carlos Negro

A apariencia deste libro provocou en min velo como algo que ía ser ameno, divertido e entretido e non foi errónea a miña primeira impresión.

O único que me botaba para atrás á hora de lelo era que a min non é que me encante a poesía, pero unha vez lin as primeiras páxinas remateino do tirón. 

Cultivos tranxénicos comeza cunha entrevista que para o meu gusto ten respostas moi realistas e acertadas. De feito foi esta a parte que máis me gustou do libro. Despois segue cuns poemas que falan dos pobos galegos a día de hoxe e no que se están a converter.

Os poemas tamén me gustaron moito.

E ben, finalmente dicir que desfrutei del, polo que é un libro que recomendo!

Héleris

Comentario de  Ana Colmeiro


Héleris
Carlos Negro
Espiral Maior




Este libro encantoume! Conta a vida dende dous puntos de vista totalmente diferentes, como vai cambiando e que senten cada un ao coñecerse.
Creo que o autor intenta explicar o iguais e ao mesmo tempo o diferentes que podemos ser un home e unha muller. Gústame como expresa os sentimentos en palabras o autor e gústame o libro en si, pero tamén me gustou máis a parte da muller que a do home.
É un libro moi fermoso