Makinaria

Comentario de Martín Arosa Sineiro

Makinaria
Carlos Negro
Xerais

Vin a portada e pensei que sería un libro de amor pero ao rematalo comprendín que estaba enganado.

É o único libro de poesía que non me transmitiu ningún sentimento. Todas as estrofas trataban do acol, droga, velocidade... Son termos actuais pero a xente non pensa nas consecuencias e despois...

Eu calificaría o libro como unha rutina de velocidade e alcol.
Non me gustou.

Makinaria

Comentario de Andrea Raínda Míguez


Makinaria
Carlos Negro
Xerais

Sempre pensei que nunca sería capaz de ler un libro de poesía ata o final, porén, este libro lino dun tirón, enganchoume desde o comezo.

É fácil de ler e é coma unha viaxe nun coche tuneado a toda velocidade. Chamoume a atención o triste final de moitos dos mozos mortos en accidentes por non pensar nas consecuencias de mesturar drogas, alcohol, festa e velocidade, tamén coido que é importante que non fagamos caso dos consellos das persoas maiores e só pensamos no momento que estamos vivindo procurando facelo a tope e sen pensar nas consecuencias.

Makinaria

Comentario de Noelia López


Makinaria
Carlos Negro
Xerais

Este libro gustoume moito porque relaciona o amor e a adolescencia, e deume algo de pena o final porque se corres moito e te fas o chulito co coche despois veñen as consecuencias.... Eu creo que este libro gústalles a todos pero aos homes recomendaríallo especialmente porque normalmente gústanlles os coches e hai vocabulario que eles dubido que saiban.

Espero ler máis libros destes.

Canto de Nadal

Comentario de Ana Ferreira

Canto de Nadal
Charles Dickens
Kalandraka

Gústame moito. É un libro que ensina que temos que aproveitar os momentos, axudar ás persoas que o necesitan e gozar da vida, sendo felices coa xente que nos quere.

Canto de Nadal

Comentario de Martín Arosa Sineiro


Canto de Nadal
Charles Dickens
Kalandraka

É un libro marabilloso no que cada folla transmite emocións, aínda que na metade custoume lelo porque non me gustou a parte das familias que ceaban por Nadal.
Narra as incribles historias do señor Scrooge, sobre o cambio dunha vida de antipático e egoísta, malo, que o leva ata unha morte en soidade absoluta. Pero os espíritos do nadal logran levalo pola súa vida para que sexa amable e lle cambie o carácter e mesmo o espírito.

O mundo secreto de Basilius Hoffman

Comentario de Tania López Varela

O mundo secreto de Basilius Hoffman
Fernando M. Cimadevila
Urco

Este libro gustoume moito porque é de aventuras. Relata como un neno pequeno se mergulla no reto das aventuras e nun proxecto de fantasía.
O profesor Hoffman é arqueólogo, historiador lingüístico e sobre todo explorador de mundos ocultos e estraños, que serve de guía ao seu sobriño Peter.
Gustoume porque trata de moitas cousas, cada capítulo é mellor e diferente. Un libro para todas as idades.

O mundo secreto de Basilius Hoffman

Comentario de Almudena Otero

O mundo secreto de Basilius Hoffman
Fernando M. Cimadevila
Urco

Gústame este libro por distintas razóns, entre elas porque fala e conta cousas mitolóxicas moi interesantes que fan que empeces a lelo e non pares.
Cando o vin non me gustou pola cantidade de páxinas que ten, pero logo ao lelo deime conta de que o exterior non ten nada que ver con interior desta xoia de libro.
O meu personaxe preferido é Rivka, porque se me parece a unha amiga, que se comporta como un felino.
O tío compórtase moi ben co neno e iso tamén me gusta, aínda que o neno pensaba que se ía aburrir moito nesa casa, pero despois non se quería ir.

O mundo secreto de Basilius Hoffman

Comentario de Lucía González Bouzas

O mundo secreto de Basilius Hoffman
Fernando M. Cimadevila
Urco

Este libro gustoume moito porque está relacionado cun mundo estraño, complexo e no que a maxia xoga un papel importante. Recordoume a moitos outros libros que lin, pero neste relacionan lendas e mitos de moi diferentes culturas co único fin do destino da humanidade.
O que máis me gustou do libro foi o personaxe de Rivka, porque a pesar de ser enganada e utilizada logrou encontrar o bo camiño e ir vivir a un lugar no que se encontrara a gusto xunto coa súa nai. O que menos me gustou fooi a despreocupación dos pais de Peter polo seu fillo e a súa felicidade.

Fantasmas de luz

Comentario de Cristina Núñez Sanmartín


Fantasmas de luz
Agustín Fernández Paz
Xerais

É un libro que non engancha ata que o rematas, pero gustoume, aínda que eu contaría algo máis da historia. O que non me gustou é que o home comparara todo coas películas, aínda que traballe nun cine, a vida real non é un filme.
Produciume moitas sensacións. Cando se poñía a falar das películas pensaba que o home era un pesado, cando falaba coa súa dona do mal que lle ía o matrimonio dábame moita mágoa e case se me saltaban as bágoas, cando ían roubar por aí tiña moito desacougo por se os pillaban e cando o home descubriu que había máis xente setín alegría de non sabelo só.

O mundo secreto de Basilius Hoffman

Comentario de Andrea Mijares

O mundo secreto de Basilius Hoffman
Fernando M. Cimadevila
Urco

A min este libro gustoume moito, é moi entretido. Cada vez que ía avanzando na lectura gustábame máis.
Gustoume a parte do libro do principio, cando o neno chega a casa do seu tío Basilius e cando atoparon a máscara da deusa gato, e final do libro.
Gustaríame moito ler libros así habitualmente.