Conduce rápido

Comentario de MAría Rodríguez


Conduce rápido
Diego Ameixeiras
Xerais

Conduce rápido, de Diego Ameixeiras, é unha novela negra. Está estruturada arredor dunha trama principal e tamén varias secundarias que rematan encaixando entre sí, xa que todas elas xiran ao redor do mesmo tema: o narcotráfico.

Esta novela conta o que pasa en tan só cinco días, cada secuencia está marcada pola hora na que acontece.

Está ambientada en Compostela, en lugares recoñecibles,  que vai circulando  a un ritmo rápido, tal e como di o  título da novela.

Os protagonistas son dous irmáns: Erika e Samuel. Ao principio Erika parecía que tiña máis sentido ca seu irmán, pero logo non é así.

Os irmáns  intentan sobrevivir, querían saír da miseria, buscar outro  horizonte, deixándonos ver unha porta de esperanza.

A aparición dun paquete de cocaína  será unha boa ocasión para que os dous irmáns, que viven na marxinalidade en Santiago, busquen unha solución ás súas vidas liberándose da delincuencia.

Para min, o fundamental da historia é o encontro entre Erika e Ventura. No fondo, a parte de ser unha historia de supervivencia, é unha historia de amor.

Os temas presentes na novela son: a marxinación social, o narcotráfico,  a violencia, o tráfico de droga e o branqueo de cartos.

A profundidade que fai o autor desta obra, tanto nos personaxes como no espazo onde se leva a cabo, conseguiu que esta novela se se me fixera moi entretida. Recoméndoa.