Unha rosa é unha rosa

Comentario de Adrián Mato Rodríguez


Unha rosa é unha rosa
Suso de Toro
Xerais

 

 

 

Unha rosa é unha rosa. Pode que o título confunda a moitos ou faga que teñamos unha idea equivocada deste drama tan particular, sinceramente eu fun un deses que pensaba que este libro ía tratar sobre flores ou algo parecido. Pero nada tivo que ver co que eu cría senón que o autor xogou coas palabras da portada, un deses libros aos que se lle pode aplicar ese refrán que todos sabemos (non xulgues un libro pola súa portada).

Deixando de lado o título e querendo penetrar  máis no seu contido debo dicir que o libro encantoume, pola cantidade de sandeces que din os seus personaxes, ademais das escenas que penso que queren reflectir o mal que se fan algunhas cousas, a partir de frases ou escenas  burlescas. Penso que a diferenza de outros libros, este é especial porque en todo momento a partir das historias de Colombo sábese o que vai ir pasando, por iso ten máis graza que sobre todo nos primeiros actos,  a pesar de contemplar o que lle pasa á tía da tele, caia ela tamén.

Tamén mestura ficción con realidade como na maioría dos escritos literarios, pero o autor sabe levar dos actos máis cómicos pero comúns, é dicir que poden pasar, ao fantástico; como a pesar de estar morta reaparece para vingarse,  unha das cousas máis casuais do drama ou da traxedia.

En definitiva , foi un dos libros que máis me fixo rir, e xunto co de Hamlet o único libro de xénero teatral que lin.