O curioso incidente do can á media noite

Comentario de Raquel García



O curioso incidente do can á media noite
Mark Haddon
Rinoceronte

"O curioso incidente do can á media noite" para min resultou ser un libro moi entretido que me gustou ler xa que na historia que conta as cousas que suceden píllante de imprevisto, nunca sabes o que pasará.

Trata sobre un neno un tanto peculiar debido ao seu carácter e á súa forma de ser e de actuar cando as cousas o pillan desprevenido. Él vive con seu pai e pensa que súa nai morreu cando era máis cativo. É un rapaz moi intelixente que lle gusta ter todo baixo control, non lle gustan as sorpresas e cando lle sucede algo que non espera non se sabe como reaccionará.

Debido a que á súa veciña lle matan o can dunha forma un tanto cruel, Christopher decide facer de detective o que o levará a saber quen matou o can e a saber todo o que seu pai lle estivera ocultando durante tantos anos. Unha vez que se entera de cousas que non sabía ten que enfrontarse a moitas outras que lle provocan desagrado ou mesmo medo, para poder chegar ao seu destino e fuxir da persoa á que agora lle ten medo.

Christopher é un personaxe que me gustou moito porque pese a ser un rapaz ao que lle gusta seguir unha rutina estrictamente enfróntanse a moitas cousas descoñecidas e que lle dan medo, pero ao final logra o seu propósito, o único que non me gusta del e que lle intenta buscar explicación a todo e, simplemente hai cousas que non a teñen.

En conclusión foi un libro que me gustou bastante e me pareceu entretido e fácil de ler.