Amantes

Comentario de Denise Varela


Amantes
María Lado
Caldeirón

Amantes, premio da quinta edición de poesía erótica Illas Sisargas son doce poemas de temática erótica.

Nunca se me deu por ler poesía erótica, pero a verdade é que este poemario resultoume moi fácil de ler e verdadeiramente precioso e entretido. Cada vez, a poesía de María Lado sorpréndeme máis  e quédome sen palabras. Cada verso, cada rima, cada recuncho  deste pequeno libro… déixame con máis ganas de seguir lendo poemas coma este.  A min antes nunca se me daba por ler poesía, pensaba que non contaban nada, pero estaba equivocada. Penso que Amantes xunto Berlín de María Lado, foron os libros que me achegaron máis á poesía.

Un dos poemas que máis me gustou foi "San Xoán", quizais porque ó ler o título, lembreime do día que nacín, e a súa temática erótica faino máis fermoso de ler:

as lagoas, excitadas polas aves do verán

que arrandean entre os xuncos

non son tan húmidas

nin as areas das praias negrísimas, cuspidas

polo furor dos volcáns

se tornan tan ardentes baixo o Sol

ni n a lúa, agochada tras as sombras,

que é quen de erguer os océanos e precipitar os ríos,

nin sequera ela

que bate nas tempas dos idos levándolles o siso,

crava os seus ollos de degoiro

coa beleza dos teus

acende as luces,abre as fiestras, que nos vexan

e se lambe a lingua de noite

as sabas nosas –e non hai nada  neste mundo

que tanto nos compraza- é porque nos desexamos

buscamos a fogueira,

queremos consumirnos,acabarnos

un enriba do outro

dacabalo das horas máis ardentes

e curtas, do ano.

insistes

sae agora á fiestra, e eu detrás

deixa que o ceo che vexa, case núa

coma as estrelas que arrubian o pano das nubes,

só guedellas de seda disfrazando o bico dos peitos

batendo contra o peitoril

só a túa voz

a túa voz é un fío do que tiras

e desamarras unha presa

es miña,

coma quen ten

unha boa besta

daquela márcame

non hai nada neste mundo

que tanto nos acenda

como buscar a nosa propia ruína

E logo tamén me vou a quedar cun anaco do poema de "voto de silencio":

“ergueme só para te contemplar,calado,

perseverando as bolboretas das túas pestanas

en me cubir de bicos

é tan fermoso

amarnos así,

sen debernos o nome

Amantes

Comentario de Sonia Troitiño Loureiro


Amantes
María Lado
Caldeirón

Amantes pareceume un libro un tanto peculiar. Está conformado por un total de doce poemas de temática erótica que narran os sentimentos, as emocións e as vivenzas dos namorados. Algo que me chamou a atención foi a forma que presentan estes poemas que se escapan da  rima tradicional e dos versos perfectamente diferenciados.

Asemade, isto é algo que aumenta o meu desexo de cara á lectura xa que esta maneira tan singular de María Lado para escribir poesía fai de cada un dos seus poemas algo único, diferente e especial. A súa lectura foi realmente sinxela e entretida. Foi a primeira vez que lin poemas de carácter erótico, e debo admitir que me encantaron. Cada unha das distintas historias destes namorados presenta unha enorme carga emocional que fai que os sentimentos do poema se plasmen no propio lector, mergunllándoo nunha historia chea de paixón e tenrura. Outra das cousas que me impresionou e me agradou verdadeiramente foi a presenza, nas últimas páxinas, dunha recompilación de distintas cancións que a autora titula como as melodías dos amantes. A pesar de que os meus poemas preferidos son aqueles curtos que conseguen dicilo todo con tan só unhas poucas palabras, esta maneira un tanto diferente de escribir poesía, ademais de conformar unha marca de identidade da autora, aumenta o interese dos seus poemas. Nel atópanse frases ou expresións realmente fermosas que definen da mellor das maneiras aquilo que recibe o nome de amor e a simple vista parece indescritible. Para min, algunhas delas son:

 sabes que se son nave                                        ergueme só para te 

contemplar,calado,

     é para ir bater contra ti                                 perseverando as bolboretas

das túas pestanas

                        para que me arrastres polo van           en me cubrir de bicos

                        na marea do teu abrazo 

 

Son poemas realmente conmovedores que fan espertar en cada un o seu lado máis sensible. Conseguen seducir ao lector cunha serie de versos intensos. Recoméndolle este libro a todos aqueles e aquelas amantes do amor e das historias dos namorados.

 

O INEXPERTO

que ben sabes, amor novo,

os teus bicos son mazás do inverno,

nacidas para gardar entre a roupa

á calor da lencería

debaixo da saia

e eu devezo

por levar o teu arrecendo nas costuras

PAXAROS E MACEIRAS

da mesma maneira en que os paxaros

seducen as maceiras

é dicir, esforzándose en acrobacias

insinuando as caricias que saben facer

coa punta das ás, despregándoas moito

e da mesma maneira en que as maceiras

cortexan os paxaros, tremendo levemente

cobizando a estrema das follas

milésimas do roce dos animais en voo,

ofrecéndolles, en brazos acolledores, apous

desa maneira, é dicir, bicando a froita

apenas co peteiro

sen descolgala tan sequera dos beizos da árbore

só tomando o bocado xusto, o máis gorentoso

dese modo, nos amamos.

desa maneira en que se manteñen firmes as maceiras

botando raíces na intención

esa en que os paxaros

beliscan a froita

pero nunca chegan a comela por completo.