A ferida

Comentario de Nerea Álvarez


A ferida
Begoña Paz
Xerais

Este libro trata sobre a violencia de xénero , é un libro que reflicte un machismo moi xeralizado. O machismo que presenta a autora nestas historias a pesar de ser o que ocorre realmente na actualidade ten escenas demasiado fortes como para lelas.

É a primeira vez que leo un libro desta autora pero gustoume bastante porque reflexa moito e enténdense moi ben as violacións que sofren as vítimas das historias. O que máis me gustou deste libro é como expresa os sentimentos que teñen as vítimas cando están sufrindo algún tipo de violencia de xénero.

O que menos me gustou é que ten unhas frases ou escenas demasiado específicas, é dicir, especifica moito as escenas nas que realmente se producen contacto físico entre o/a violador e vítima e tamén especifica moito o gusto que lle dá aos maltratadores  o simple feito de estar acorralando ás vítimas para maltratalas, tanto psicoloxicamente  como fisicamente.

A historia que máis me gustou foi a de ovellas e lobos  porque reflexa moi ben como unha rapaza de doce anos, que aínda que medrou demasiado pronto non deixa de ser unha nena, ten medo dun rapaz de moita musculatura. Ilustra como a nena sente medo e “asco” cando o rapaz intenta forzala e violala. A pesar de todo a rapaza intenta escapar pero un día cando a sorprende no seu edificio el ía  violala pero como a rapaza tiña tanto medo de el que a deixou escapar; esta historia é a que máis me gustou porque é o que ocorre normalmente nos institutos e colexios con rapazas que están xa desenvolvidas.

Pareceume que este libro aínda que me gustou pareceume que ten unhas frases demasiado fortes para ler, porque se centra moito na sedución sexual e nos momentos que presentan escenas de algún tipo de acción sexual.