Ruído. Relatos de guerra

Comentario de Cristina Cabaleiro

Ruído

Relatos de guerra
Miguel Anxo Murado
Galaxia

Ruído é un libro sobre a guerra e os desastres que nela acontecen. Ademais disto, fala sobre o comportamento das persoas ante situacións e contextos nos que se atopan ao seu límite.

Os contos que conforman este pequeno volume naceron das vivencias persoais de Miguel Anxo Murado no conflito bélico que acabou por destruír a antiga Iugoslavia, lugar no que o escritor estivo a traballar durante algún tempo como corresponsal de guerra.

Quizais o máis chamativo e destacable de todos os relatos que compoñen o libro é que en apenas poucas páxinas conseguen transmitir sentimentos moi próximos e propios das guerras: preocupación, frustración, crueldade… nalgúns casos moi próximos á morte e noutros casos chegando a ela.

Recoméndolle esta breve recompilación de relatos a todas aquelas persoas que queiran afondar nos sentimentos máis profundos do escritor, xa que nesta obra se inclúen as experiencias e vivencias do autor, e que lle dan unha pincelada moi persoal e íntima ao volume, o que o diferencia doutros libros que contan narracións bélicas.