Fala de Vicente, un rapaz galego que vivía en Londres. Tras
un asasinato, Vicente xunto dous amigos máis, foxen de Londres. Escóndense en
Galicia, en Tradás concretamente, nunha pequena vila costeira na que vivían
anteriormente os seus pais falecidos.Vicente non se sente a gusto en Galicia,
como se non fose galego ou non encaixase, e quere regresar a Londres, pero
en Galicia atópase coa sorpresa da súa vida suplantada por outra persoa.
Con esa
portada, xamais podería adiviñar de que trataba o libro, pero foi bastante
interesante. Quizais o comezo do libro fíxoseme algo pesado, pero a medida que
ía transcorrendo a historia volvíase máis amena. A maneira de escribir do autor
foi do que máis me gustou. Describe moi ben os momentos no que ocorren as
cousas, e con todo detalle, pero sen que sexan descricións pesadas, senón por
dicilo de algunha maneira “cómodas de ler”.
A min este
libro paréceme que está relacionado coa emigración que se viviu hai anos, de
toda esa xente que fuxía do país e anos despois volvía, pero as familias non o
coñecían. Neste caso, el non era nado en Galicia, pero é coma se tivese sangue
galego, e non se sente ben cando se atopa aquí, porque non coñece case nada.
Podo estar equivocada, pero é a sensación que tiven eu á hora de rematar de ler
o libro.
Sen comentarios
Publicar un comentario