O Alquimista

Comentario de Isidro Gil Pallares


O Alquimista
Paulo Coelho
Galaxia

Logo de oír ningunha boa palabra cara este libro (a excepción de quen mo recomendou), decidinme a lelo aínda con máis ganas (eu son así).

E non era para nada o que me dixeran, é unha entretida e sinxela historia que leva como lema “Se de verdade persegues algo, o universo enteiro conspirará a favor túa”, e que cada cousa que che pase nese camiño (sexa boa ou mala) forma parte da aprendizaxe necesaria que tes que recibir para acadar a túa meta.

A parte, tamén fala da simboloxía e dos signos que tes que aprender a interpretar, xa que o universo chos puxo aí para que te decates de algo ou para que algo che saia mellor.

Ten un gran contido metafórico de principio a fin, que de cando en vez chega a ser excesivo, pero adornan e fan máis amena a historia.

Fóra do tesouro que persegue Santiago (un xove pastor), un verdadeiro alquimista e o verdadeiro amor de Santiago; para min a miña personaxe favorita é o comerciante de cristais.

Anímote a que o leas para que descubras a razón.