A praia dos afogados

Comentario de David Núñez Ouzande


A praia dos afogados
Domingo Villar
Galaxia

Este libro gustoume moito, porque nárranos dúas historias paralelas. Por un lado, cóntanos a relación do inspector Leo Caldas co seu pai, dado que teñen algúns temas tabús como o da súa ex noiva Alba, dá a sensación de que  teñen vergoña un do outro. E polo outro, fálanos da investigación que se leva a cabo pola morte de Xusto Castelo na praia da Madorra en Panxón.

Así mesmo, Leo comeza a investigar a morte de Xusto. Pregúntalle aos mariñeiros cando o viron por última vez, e así Leo descobre que houbo un naufraxio hai anos. Nese barco, chamado O Xurelo, ían Xusto,  dous mariñeiros e o capitán Sousa, o cal faleceu. Seguindo a investigación, Leo descubriu que ese mesmo día desapareceu unha muller chamada Rebeca Neira e foille preguntar a súa amiga. Ela contoulle que, ese mesmo día, Rebeca se encontrou con dous mariñeiros cando ía comprar tabaco. Eles ofrecéronse a acompañala á casa, pero...

Unha vez rematado o libro podo dicir que me resultou entretido, xa que a trama da historia mantívome enganchado ata o final. É un libro que recomendo para ler, é novidoso, porque se basea en dúas historias paralelas e intrigantes.

Ao mesmo tempo, é un libro que require ler con atención xa que ten un gran número de personaxes e de detalles fundamentais para poder comprender a historia.