Made in Galiza

Comentario de Issiris Ramirez

Made in Galiza
Séchu Sende

Galaxia

 

 

 

Este libro encantoume porque defende o idioma galego, aínda que o galego non sexa a miña lingua materna, estou a favor de que non se perdan as linguas minorizadas porque como di o autor sen raíces non podes voar. Gústame moito este libro porque defende o galego e outras linguas que merecen ser apoiadas para que non se perda a multiculturalidade que hai. Made In Galiza é un libro que te axuda a reflexionar o porqué non debemos de ter vergoña da nosa cultura porque é nosa e temos que coidala. Eu penso que tamén podemos aprender outras linguas para coñecer mundos diferentes, persoas diferentes, culturas diferentes... pero coidando sempre a nosa lingua materna.

Houbo relatos que me gustaron moitísimo, pero houbo outros que non tanto, non porque foran malos, senón, porque probabelmente non os entendera. É que aínda quédame moito por aprender do galego e gustaríame seguir aprendendo del; Porque o galego non só che serve para falar en Galicia como a xente di, senón que tamén te podes entender con persoas de Portugal, Brasil, etc. É certo que o idioma que predomina no mundo é o inglés porque case todo o mundo pode falalo e permite comunicarte con moitas persoas de calquera lugar do mundo e coñecer moitas cousas sorprendentes, pero non debemos abandonar a nosa lingua por vergoña ou porque queremos semellar ser quen non somos.

O relato que máis me gustou foi (é moi difícil escoller un que máis me gustara porque encantáronme todos) Madrith porque relata como o castelán deixa de falarse polo predominio doutras linguas na cidade e como os seus falantes foron pouco a pouco desinteresándose polas súas raíces. Outros relatos que me gustaron foron Sssssh, O ladrón de palabras, un home aforcado, O home que agardaba que lle dixesen o que tiña que facer...  porque son relatos onde aprendes cousas moi interesantes para a túa vida e que aconsello lelos e reflexionar con eles acerca da importancia da vida