Comentario de Martín Villar Gil
Penúltimas tendencias é un libro ao cal só lle
atopo dous defectos, o primeiro é ser algo aburrido, non porque sexa poesía de
mala calidade, senón polo pouco interese que teño polos libros de poesía, e o
segundo é o emprego que fai o autor dunha linguaxe sen moito sentido
nalgúns poemas co cal moitas veces perdíame e tiña que
volvelos a ler para entender ben de que trataban, pero bueno, ao medida que o
vas lendo tamén te vas dando conta de que todos os poemas se basean case na mesma
cousa (razón que fixo que o libro me fose máis ameno á hora de lelo); pese a
iso, ten cousas que me gustaron, Carlos Negro fala do que está a acontecer
agora na xuventude e recoméndanos non facer caso das modas nin da sociedade,
simplemente ser nós mesmos, cousa que me parece unha das maiores verdades e
mellor consellos a toda mozidade que se poden transmitir a través dun libro.
Por outra parte, gustoume que o autor defendera a igualdade entre homes e
mulleres neste libro, e que nalgúns dos poemas falara sobre un gran problema, o
machismo, como podemos ver no poema ``5 razóns polas que cortaría contigo´´.
Aínda despois de lelo detidamente, hai un poema que non sei o que quere
transmitir, o poema ``Radikal Punk´´, penso que sería unha boa pregunta para facerlle
ao autor cando visite o noso centro. En conclusión, non é dos mellores libros
de poesía que lin, pero fala de grandes verdades coas cales todos nós nos
podemos identificar, recomendariallo a todos os adolescentes para que polo
menos algúns se deran de conta de que o máis importante non é o físico nin as
apariencias, senón que o máis importante é ser ti mesmo e que te queiran polo
que es e non polo que aparentas.
Sen comentarios
Publicar un comentario