Penúltimas tendencias

Comentario de Martina Domínguez

Penúltimas tendencias
Carlos Negro
Xerais

  

 

 

"Penúltimas tendencias" de Carlos Negro é un libro de poesía moi enxeñoso.

É unha crítica visible da sociedade actual e dos esteoreotipos e presións ás que estamos sometidas as mulleres. Que se a roupa que usamos, que se temos que ter ese corpo, que se debemos facer tales cousas en cada idade... son obxectivos que os medios de comunicación, a familia e o medio no que vivimos se encarga de inculcarnos coma os valores correctos e obrigatorios que debemos ter para ser aceptadas, converténdonos así en mulleres sen personalidade e autoestima.

Carlos Negro denuncia esta situación e dános unha voz segura ás adolescentes para que loitemos contra o patriarcado. Cunha voz para dicir non ás imposicións sociais machistas, para dicir que non temos que ser princesiñas nin vivir para namorarnos e conseguir un home, que non ten nada de malo coñecernos a nós mesmas, que non somos de ninguén, que hai que ter carácter e saber guiarnos polo que queremos e nos gusta.

O poema que máis me gustou foi "Tatuaxe", os seus versos tratan de como non é necesario unirte con outra persoa para sempre. Hoxe en día parece que o noso obxectivo persoal principal na vida é coñecer a alguén que sexa a peza incondicional que nos completa, pois ben, somos seres individuais, non necesitamos atarnos a alguén que supostamente sexa a nosa media laranxa porque iso non existe.

Tamén me gustaron moito os poemas: "5 razóns polas que cortaría contigo", "Fóra de control", "Programa de centrifuado", "Chica out" e pola súa musicalidade "Fóra de onda".

Finalmente recalcar que con este libro seguín descubrindo que a poesía pode ser interesante, divertida, e, sobre todo, reivindicativa, así que a miña noraboa para Carlos Negro e grazas por estes fermosos versos.