Penúltimas tendencias

Comentario de Uxía Mosquera Castro

Penúltimas tendencias
Carlos Negro
Xerais

 

 

Este libro encantoume. O ano pasado lera o de Makinaria, do mesmo autor, Carlos Negro, non me pareceu un libro moi bonito pero si interesante, no que o autor expresaba os sentimentos dos nenos adolescentes. 

En cambio, en Penúltimas tendencias deu un gran xiro, agora fala das nenas adolescentes, de como se senten e as cousas boas e malas da adolescencia. Os poemas que máis me destacaron polo seu título foron “Non teño ganas de ti” e “3 msc”, debido a que o autor os sacou dunhas películas moi famosas e pareceume moi orixinal, aínda que opino que son algo machistas. O poema que máis me gustou en todos os sentidos foi o da “Chica out”, no que expresa como é unha adolescente, coas súas cousas malas e boas pero nunca perfecta, unha adolescente real , non de revista. 

Recomendaría este libro a todas as persoas, sobre todo a esas rapazas adolescentes que non se senten ben consigo mesmas.