Comentario de Cristina Cabaleiro
O libro conta a historia dun grupo de personaxes que dende 1881 ata os nosos
días viven unha chea de sucesos, entre os que destaca a Guerra Civil, e como estes
lles afectan tanto a eles como aos seus descendentes.
Cando vin por vez primeira o libro pareceume que non me ía gustar moito, xa
que aparentaba bastante extenso e complicado de ler, pero pódese dicir que a
miña primeira impresión non foi de todo acertada. É certo que algúns momentos
ao mellor me gustaron máis que outros, pero a verdade é que se trata duns deses
libros que precisan tempo para saber aprecialos.
Persoalmente gustoume, aínda que me resultou algo complicado de ler debido
á súa extensión, pero iso non me impediu disfrutar das marabillosas descricións
da época, como por exemplo a das traballadoras que de madrugada entraban na
noite iluminando os camiños, ou a descrición das froitas no capítulo do
“Enterrador”. En fin, este libro contén todos os ingredientes para ser unha das
maiores obras da nosa literatura.
Recoméndolle esta novela a todas as persoas que dispoñan de tempo para
disfrutar deste manxar da literatura, e como non, a todos os que queiran
saborear e disfrutar todos os momentos máxicos que nela se gardan.
Sen comentarios
Publicar un comentario