Este
libro adéntranos no mundo dunha familia que sofre porque un dos seus
compoñentes, Samuel, garda relación co “algo”, xa que está metido nesa
“merda”. Polo cal a súa nai decide envialo á súa aldea
natal e pedirlle a Nico, o seu irmán maior e policía, que o axude a
quitarse diso.
Neste tempo no que se atopan Nico, Samu e a avoa en Aita, suceden
cantidade de cousas, momentos bos e malos entre irmáns e, sobre todo, Samu
cóntanos unha morea de recordos bos que lle aconteceron en Aita.
O
escritor, aproveitando o ambiente das drogas no que se atopa o relato,
decide usar unha linguaxe vulgar, cotiá, típica deste ambiente, o cal é
moi acertado. Tamén introduce unha escena de tipo erótico, liortas
entre irmáns, redadas policiais... algo que vexo como un aspecto
esencial para introducirnos mellor e máis de cheo no relato.
O que mais me chamou a atención foron a chea de personaxes estraños que se atopan nela: Don, Tip e Top, Corneilo...
Libro recomendable, fácil de ler xa que é enganchadizo.
Sen comentarios
Publicar un comentario