O heroe

Comentario de Denise Varela


O heroe
Manuel Rivas
Xerais

 O heroe é unha  obra teatral de Manuel Rivas que está situada na última guerra  secreta que ocorreu en España. Concretamente céntrase nas fazañas, aventuras e torturas que lle pasaron a  Caronte, un exboxeador que estivo no cárcere  e que actualmente ten unha taberna xunto coa súa muller. A obra conta de que xeito tiñan que tratar cos difíciles tempos nos que vivían, a ditadura, e fainos pensar dos duros momentos, os secretos, como había que pasar desapercibidos …

Teño que comezar dicindo que me encantan as obras de teatro, polo que ler este tipo de obras resúltanme  moi fácil e entretidas. Neste caso,  non podo dicir que quedei abraiada con  esta obra, pero tampouco estou descontenta, xa que a maneira de escribir e expresar as cousas de Manuel Rivas  gustoume moito. Desta obra o que quero destacar é  a Medias Vermellas, unha protagonista que é considerada tola e só aparece en dous momentos na obra, pero penso que ten moita importancia nela. Foi o personaxe que máis me gustou. Os seus monólogos sobre a verdade daqueles tempos encantáronme moito, xa que era a única que dicía as verdades en público.

 E vou rematar dicindo que seguirei a ler moitas máis obras e relatos de Manuel Rivas.