A desaparición da neve

Comentario de Cristina Cabaleiro


A desaparición da neve        
Manuel Rivas
Alfaguara

A desaparición da neve contén diversos poemas escritos en galego, castelán, euskera e catalán. Un dos que máis me gustou foi “A MEIGA NA ESQUINA DA BARRA”:

               Amei naquela ollada

               o que había de sospeita.

               E o medo das cousas

               tiña naquel espello a ilusión

               de disentir do futuro.

Este libro sorprendeume dunha maneira moi positiva. Pareceume moi diferente aos demais libros de poesía que lin anteriormente. Era como se me estivesen a contar relatos fantásticos con ritmo e musicalidade propios, e iso precisamente fixo que me somerxera en cada palabra como se fose a última. En resumo, era unha obra chea de poemas, uns máis longos e outros máis curtos, pero ao mesmo tempo por ela fluía un lixeiro toque narrativo.

Recoméndolle este libro a todos os namorados da poesía, pero sobre todo e resaltando o que dixen anteriormente, aos que queiran vela dunha maneira diferente