Do descoñecido ao descoñecido

Comentario de Cristina Cabaleiro


Do descoñecido ao descoñecido         
Manuel Rivas
Espiral Maior

Do descoñecido ao descoñecido contén a obra poética de Manuel Rivas dende 1980 ata 2003. Nela destacan seis libros: Libro do Entroido, Anisia e outras sombras, Balada nas praias do Oeste, Mohicania, Ningún cisne e Costa da Morte blues. 

Todos eles son moi diferentes, pero cabe salientar, na miña opinión, Mohicania e Ningún cisne.  

Poida que este libro conteña centos, miles, millóns… de versos, pero a min sorprendéronme especialmente os pertencentes ao poema “A NAI TERRA”, que din así:

         QUEIMEIME os beizos na túa pel de xeo,

         semellante ao da morte, tan fondo o teu abrazo.

         Voume, terra.

         E voume para poder amarte.

Quizais non todas as estrofas sexan fáciles de comprender, sobre todo para os lectores máis novos, polo que a obra non foi completamente do meu agrado. Aínda así, e xa para rematar, quero recomendarlle o libro a todas as persoas que disfruten coa poesía, xa que neste libro encontrarán a un compañeiro perfecto.