Comentario de Aida Vilariño
As sete mortes
Carlos Vila Sexto
Galaxia
O que máis me gustou deste libro foi o final, ninguén se esperaba que
ocorrese iso. A despedida de Xacobe non me gustou de todo, tiña a esperanza de
que entre eles dous ocorrese algo e non me esperaba que Xacobe morrese aínda
que os bos finais sempre rematan con mortes.
Admiro a valentía tanto de Xacobe como de Natalia, que a pesar de todo o que
tiveran vivido anos atrás onde ningún dos dous tiña ganas de vivir, seguiran
adiante e non se renderan.
Natalia sen coñecer de nada a Xacobe aceptou axudalo e non o
abandonou en ningún momento, arriscou a súa vida para descubrir por que
Xacobe era inmortal.
Outra cousa positiva do libro é que a acción vai dende o principio ata o
final, xeralmente os libros son aburridos nos primeiros capítulos pero este
non. Quedoume pendente saber que pasou co Corvo, dende que Álvaro saíu do seu
corpo non se volveu a nomealo exceptuando unha chamada que Xacobe lle fixo.
Sorprendeume o xeito no que Xacobe deixou a súa adicción polas drogas, tan
pronto se lle remataron non volveu a falar delas.
Baixo o meu punto de vista o libro gustoume moito porque adoro as historias
de misterio, acción e romance aínda que esta non ten nada de amor.
Sen comentarios
Publicar un comentario