Un Estudio en Escarlata

Comentario de Adrián Mato Rodríguez



Un Estudio en Escarlata
Arthur Conan Doyle
Galaxia

Este foi o primeiro libro que lin deste personaxe con tanta sona como ten. Sherlock Holmes, creo que o escoitar este nome vennos a cabeza un detective e esa frase tan coñecida ( "Evidentemente meu querido Watson") que botei en falta na novela.

Podo dicir que este libro é  bastante custoso de ler : a partir das 50 primeiras páxinas comeza a verdadeira trama e é cando pouco a pouco te vai enganchando co asasinato, máis coa investigación, por parte de Holmes e mais a súa compaña formada por Watson, e os estorbos de Lesandre e Gregson.

Cando remata a primeira parte e comecei a ler a segunda, enfadeime bastante porque pensaba que me estaba a contar unha historia paralela e deixara moitas cuestións do crime sen contestar, mais eu desexaba unha resposta. Por outra banda a segunda parte é moi interesante e mais fácil de ler cá primeira. O meu momento esperado chegou cando as dúas partes comezaron a ter sentido e empezaron a responder as miñas preguntas, comezando, por fin a romperse a trama.