Unha rosa é unha rosa

Comentario de Cristina Costela Seara

Unha rosa é unha rosa
Suso de Toro
Xerais

         “Unha rosa é unha rosa” é unha comedia de medo na que podemos atopar escenas de humor. Esta sátira, de Suso de Toro, reflicte a avaricia que podemos chegar a ter as persoas por conseguir algo e o que podemos chegar a facer para conseguir o que queremos. Neste caso, a herdanza da tía levou aos tres sobriños á loucura.

         O personaxe que máis me gustou foi a tía Rosa, xa que na súa personalidade ten un toque de humor que te fai rir, si ou si, e a vengativa non lle gaña ninguén.

         Tamén me gustou a forma na que o autor enlazou a novela de Colombo que estaba vendo a tía Rosa na televisión co que estaba a suceder na realidade. O final sorprendeume xa que morreron todos e a que quedou con toda a herdanza foi a inocente Rosiña.

         Non foi un libro que me apaixonara moito, igual foi porque me custou entendelo ao principio, xa que é a primeira vez que leo teatro, aínda así houbo momentos nos que me causou intriga.

         Para alguén que queira botar unhas gargalladas recoméndollo sen dúbida.