Proxecto pomba dourada

Comentario de María Framiñán



Proxecto pomba dourada
Miguel Vázquez Freire
Xerais

Este libro engaioloume  dende  o primeiro capítulo ata a última páxina . 

O libro conta como un rapaz, chamado Arno, ó chegar da escola atópase a seus pais asasinados. Os pais de Arno eran uns famosos cient­íficos que tiñan un proxecto para mellorar o futuro de Ferrocoruña: O Proxecto Pomba Dourada. Para intentar averiguar algo, meteuse no ordenador dos seus pais e estes déronlle pistas para que só el poida acertar o contrasinal, que é MERLIN. Tamén sae un vídeo deles no que lle dan unhas claras instrucións e a localización  dun Anel tecnolóxico  que lle dará consellos e que só estará  na súa  mente, que tamén se chama Merlin.
Logo foxe a Fisterra, tal e como dixeron seus pais. No camiño coñece a Tullido, Gwendaill e ó xigante Imaz, que son Borrallas. Nesta viaxe, atoparase cunha longa serie de aventuras que poñerán en perigo a sua  vida, a dos demais e ó Proxecto Pomba Dourada. 

A historia remata cando Arno logra chegar a Fisterra e entrega o proxecto Pomba Dourada no laboratorio do Mestre Cego, para así­ conseguir mellorar o futuro informático de Ferrocoruña e, probablemente, do mundo.