Isto é un poema e hai xente detrás

Comentario de Sonia Troitiño Loureiro





Isto é un poema e hai xente detrás
Lucía Aldao
Espiral Maior

Que dicir deste libro, que con só ler os primeiros versos xa me tivo permanentemente atenta e enganchada.

Isto é un poema e hai xente detrás é un conxunto de poemas escritos por varios poetas e onde se atopa un chisco da mellor poesía galega, como Lucía Aldao, Brais González, Ledicia Costas, Alberte Momán e Verónica Martínez. Pero eu centreime nos primeiros poemas. Nos poemas de Lucía Aldao.

É a primeira vez que leo algún libro desta poeta, e quedei moi contenta coa súa escritura. Realmente, cando acabei de ler o primeiro poema, sabían que me gustarían os que me esperaban por ler. E en efecto, quedei namorada con seus poemas, con cada verso, con cada palabra, con cada sentimentos…. Os poemas de Lucía Aldao son un conxunto de amor, cariño e sobre todo paixón. A min chamoume moito a atención a súa maneira de transmitir os seus sentimentos, e recoméndolle a calquera que se ten un anaco de tempo libre se anime a ler este libro. Seguro que non vos defrauda.

Ademais podo dicir que este é un dos mellores libros de poesía que lin ata agora. Hai un poema en especial, que a min me gustou moito. Non sabería dicir cantas veces o lin, nin cantas veces o recitei.

Chágoche en taxi (iso é amor)

a plantar a miña tenda de campaña no teu pazo,

a roubarche corazón e cama

na túa casa de múltiples y frágiles cerraduras

Veño con caixas cheas de paciencia

e con camións cheos de caricias

e buques a rebentar de medo…

e coa seguridade de non ser un máis

porque son unha (uf…)

o cal resulta moi simpático se non temos en conta

que temos tantos problemas coma “tequieros”

pero eu ámote ( iso é amor) a pesar do teu gen rabudo,

porque xa me gustaches sempre

                   e agora non ía ser menos

porque aplaudes a miña estrutura ósea

e o ángulo que se me forma co nariz e a boca.

Fasme guapísima.

Quérote polo teu corpo e porque atada a ti

Aprendo cousas boas de xente libre.

Que contradición.

-Que facemos, king-kongciña

Non se erguen rañaceos a base de bicos.