Que me queres, Amor?

Comentario de Antía Buján

 

Que me queres, Amor?
Manuel Rivas
Galaxia

 

 

Que me queres, amor é xa o terceiro libro que leo de Manuel Rivas, polo tanto agora que xa coñezo algo a súa forma de escribir; destacaría este libro non só porque é fácil de ler grazas a que non é unha mesma historia senón que se divide en moitas, e cada unha distinta das outras. Unha delas é a famosa e fermosa “ A lingua das bolboretas “ , eu xa coñecía esta historia porque no la mostraron na película pero nunca vén mal rememorar e se é así pois moito mellor. Claramente todas as historias están baseadas en épocas xa algo afastadas. É fácil de entender por que suceden os feitos en cada relato. Ás veces dá como a sensación de que o autor pretende achegar unha figura coñecida hacia o lector como en “A leiteira de Vermeer” onde se ve reflexada a figura dunha nai.

Outro dos relatos que me gustou moito foi o de “Un saxo na néboa”  onde un neno aprende a tocar o saxofón grazas ao amor. Resultoume peculiar a forma de describir que tocar un instrumento é como estar namorado, tratas con delicadeza a música e o instrumento, sénteste seguro e nunca só, sen cabida para os nervios, sempre con seguridade.

Recoméndollo o libro a aqueles que lles guste ler sobre o amor, as inxustizas, a risa, a tristeza, etc.