Que me queres, Amor?

Comentario de Lucía García Rodríguez

 

Que me queres, Amor?
Manuel Rivas
Galaxia

 

 

Eezaseis relatos curtos escritos por Manuel Rivas. Sinceramente esperábame outra cousa. A xulgar polo título pensei que se trataría dunha historia amorosa.

    Non me chaman moito a atención os libros que conteñen moitos relatos diferentes no seu interior. Algúns deles non os entendín, non lle atopaba sentido polo que non me gustaron. Eses foron o de 'Cousas' ou 'A leiteira de Vemeer'. Outros gustáronme moito porque son entretidos. As palabras son coñecidas e lense facilmente.  Son 'A lingua das bolboretas' cun rapaciño como protagonista, 'A moza do pantalón pirata' polo final inesperado ou 'Conga, conga' porque me resultou gracioso. Estes volvería a lelos con moito gusto.

     Houbo unha frase coa que me quedei e me gustaría destacar: «Unhas veces gáñase e outras pérdese. Hai que tomalo con filosofía». Aparece no relato ' Unha flor branca para os morcegos'.

Manuel Rivas relatou ben os contos, pero o libro non me acaba de convencer. Nin me gustou nin me desgustou.