O corazón de Xúpiter

Comentario de Laura Presas Mato

 

O corazón de Xúpiter
Ledicia Costas
Xerais

 

Este é un fantástico libro, no máis sincero comentario encantoume. Trata sobre unha rapaza chamada Isla, fanática da astronomía, é unha rapaza que pode pasarse horas e horas sumerxida no seu telescopio mirando as estrelas. Isla múdase de cidade e tense que adaptar ao novo lugar, facendo novos amigos, no novo instituto coñece a Mar a que será a súa nova mellor amiga, a Anxo un rapaz ao que ten totalmente namorado pero ela recházao en varias ocasións porque está namorada dun chico co que fala pola internet, chámase Xúpiter e non sabe case nada del, só que coma ela é un fanático da astronomía pero tal como o seu nome indica, un fanático do planeta Xúpiter, no seu instituto tamén se atopa Marcos Carballo, o rapaz máis malo do instituto e o que lle fai a vida imposible a Isla durante todo o curso. 

A verdade este libro sorprendeume moito, o seu final tan inesperado deixoume abraiada, eu xa non creo moito niso das relacións cibernéticas, non é algo no que confíe de boa gana xa que poden enganarte tal como lle ocorreu a Isla. Pareceume un gran libro que de seguro voltaría a ler, por moito que o seu final fose tan inesperado e triste a min gustoume. Foi un gran libro.