Comentario de Sonia Troitiño Loureiro
Un millón de vacas
Manuel Rivas
Xerais
Un millón de vacas foi, para min, un dos mellores libros que lin. Está conformado
por un total de dezaoito relatos curtos que relatan historias cotiás sucedidas
en Galicia, contadas dunha maneira moi enxeñosa. O que máis me sorprendeu, nun
primeiro momento, foi a súa sorprendente portada que pode resultar un tanto
divertida ou estraña pero ao fin, orixinal. Outra das cousas que me chamaron a
atención foi a gran aparencia de realidade que presentan cada unha das
narracións e os seus argumentos tan pouco comúns e á vez, interesantes. En cada
unha delas reflíctese unha pequena parte de Galicia, sobre todo da súa parte
máis rural dunha forma moi entretida e singular. A súa lectura é realmente
sinxela. Baixo o meu punto de vista, todos os relatos presentan algo que os fan
únicos e moi interesantes pero, aínda así, debo destacar certos deles que eu
atopei como os máis interesantes. Eses son: Primeiro amor, que narra a historia dun rapaz que se atopa co seu primeiro amor anos
despois; O navegante
solitario, no que se fala dun bar con un dono que presenta un carácter un tanto
peculiar; Un deses
tipos que vén de lonxe, que conta a historia dunha
moza que lle presenta o seu mozo aos amigos, os cales non resultan agradalo
demasiado; Que non
quede nada, que comprende a historia dun pai que non quería armas de xoguete para o
seu fillo e presenta un final espectacular; Un millón de vacas, que narra a historia dunha vella que busca a alguén que a leve a ver ao
seu amor coa escusa de que vai ao médico e Madonna, unha carta
escrita por unha nena na que fala do nacemento dun becerro o día de Noiteboa.
Resultoume realmente entretida a lectura deste libro e penso que de cada
un dos relatos se pode aprender algo. É, para min, un deses libros que nunca vén mal telo a man e non me importaría lelo e relelo en varias ocasións. O que
máis me chama a atención con respecto ao autor é a súa maneira de
escribir. Emprega elementos claros, e a diferenza de outros, fai unhas descricións
pouco detalladas pero á mesma vez suficientes para percibir todos os elementos
necesarios da descrición. Encántanme os seus finais tan concisos e impactantes
que, baixo a miña opinión, din moito máis así, ca se fosen máis extensos e detallados. Para
rematar recomendo este libro a todos e todas sen excepción porque é un libro
que de seguro será recordado nun futuro e é unha moi boa maneira para pasar un
tempo divertido.
Sen comentarios
Publicar un comentario