Comentario de Antía Buján
Nós nus
Olga Novo
Xerais
Nós nus é claramente un libro
adicado á poesía erótica. Xa dende o seu comezo engaioloume coa súa mestura de
palabras que incitan ó erotismo do corpo. Olga Novo sabe sen ningunha dúbida
falar sobre este tema tan tabú na nosa sociedade. Este libro abre unhas portas cara a un lugar descoñecido e léndoo tes a oportunidade de tomar as súas
palabras e formar a túa propia historia con elas, unha historia de amor a cal
aparte do sexo, tamén é amor, aínda que en menor medida. Non adoito ler poesía
xa que non é un xénero que me chame moito, polo tanto nunca pensaría en
poesía erótica. Resaltaría unha parte dun poema que me gustou:
“Quería saborear tódalas feituras da
explosión do ocre,
resolve-los aromas tristes en pracer excesivo
e desnorta-lo
repouso coma escindi-lo corpo
ata consegui-las últimas figuras da caída libre.”
Para terminar recoñezo que unha das frases que máis me namora
desta escritora e de todo o libro é: “ Quen me dera ser gata para vivirte
sete veces” Sen
dúbida unha das frases máis bonitas que lin nun libro.
Sen comentarios
Publicar un comentario