Comentario de Denise Varela
A
evolución de Calpurnia Tate trata o tema do machismo na antiga sociedade de
Texas.
Conta a historia dunha pequena rapaza, Callie, moi curiosa que o que
quere é chegar a ser científica e aprender novas cousas. Vive en Texas, e é a
única irmá entre sete irmáns e a época e a sociedade na que se
atopaba era moi machista. A única persoa que estaba interesado nas andanzas de
Calpurnia era o seu avó, que isto foi algo que a min me sorprendeu bastante,
xa que a súa nai quería que Calpurnia cociñase, cosese, e estivese na
casa como unha boa ama do fogar . Co seu avó realizaba experimentos e
descubría novas cousas, polo que rapidamente se creou un forte vínculo entre
estes. O resto da familia era moi conservadora e machista, e sempre
estaban en desacordo en que Calpurnia chegase a traballar como científica
ou como calquera outra cousa.
En primeiro
lugar, teño que dicir que este libro namoroume. Cando o tiven entre miñas mans
sorprendeume a súa portada, era realmente preciosa, e tentábame a ler o
libro. Non tiven erro ningún, xa que me resultou realmente fácil de ler e de
seguir o fío da historia. Era bastante entretido, e a súa temática gustoume
moito. Deste libro, sen dúbida ningunha, o que máis me gustou era a maneira de ser
da protagonista e a súa mentalidade. O simple feito de ser mulle, non ten que
privar a ninguén a facer o que quere. Ningunha persoa pode decidir o futuro
dunha rapaza, e menos con doce anos. A mentalidade da nai tamén era un factor
que chamaba moito a atención, xa que non apoiaba a súa filla a facer o que ela
quixese. A verdade é que vivir nunha sociedade como esta debía resultar bastante
difícil. Recomendaría que todos fixesen un anaco na súa axenda
e meterse nas aventuras e coñecementos de Calpurnia.
Sen comentarios
Publicar un comentario