Comentario de
Este libro pareceume sumamente triste. Ao principio, pareceume
un pouco frío, pero a medida que fun coñecendo a Momo deime conta de que o
simple feito de que sorrise, xa era un gran esforzo pola súa parte. Desde logo
que non tivo a vida que lle gustaría ter, deume moita pena, especialmente nun
momento no que precisa ligar con urxencia para saber que se pode chegar a
querelo.
O señor Ibrahim, convértese no pai que a Momo sempre lle
houbese gustado ter, co que aprende que a vida non sempre é un camiño de rosas, pero que lle hai que mirar o lado positivo, e sorrir,
sorrir moito, porque, ás veces, a felicidade comeza por iso, un simple sorriso.
O final do libro foi quizais a parte máis triste de todas.
Despois da marabillosa viaxe por Europa co seu novo pai, na que aprendeu tantas
cousas da vida, foi moi duro para Momo que o señor Ibraim marchase ao “mar
único”. Aínda que o libro remate cun “viviron felices e comeron perdices”, é
unha felicidade que chega despois de moito tempo de sufrimento e malos tragos,
de aprender a base de golpes; pero malia a iso, o libro está moi ben, o que
máis me gustou del foi a tolerancia das distintas culturas, que cada unha
aporta cousas moi importantes.
Sen comentarios
Publicar un comentario