Comentario de Fátima Bouzada
Un dedo manchado de tinta
Manuel Portas
Xerais
Tras ler o primeiro capítulo do libro e comezar o segundo, empecei a
perderme un pouco nel, xa que un e o outro aparentemente non tiñan nada en
común, e así cos seguintes capítulos. Ao chegar ao final, fun entendendo que
non eran tan distintos do que parecían, e que tiñan algo en común por pequeno
que fose. As historia soltas que se contaban eran moi distintas entre elas
pero gustáronme todas bastante, porque eran historias contadas por unha mesma
persoa e ademais eran elixidas por ser xente común e normal que tamén ten
dereito a que a súa vida se coñeza por moi común que sexa. Algunhas das que
máis me gustaron foron a de Malulú, un inmigrante normal que chegou en busca
dunha mellor vida e meteuse en problemas sen contalo, pero o que si que
encontrou foi unha mestra que se namorou del tan pronto velo, e a outra é a de
Cristina, que loitou polos dereitos dunha compañeira coa súa propia vida, intentando
todo o posible por acadar os seus propósitos e conseguiuno. Son historias
normais, comúns como as nosas, pero que dunha maneira ou doutra sempre acaban
chegando ao corazón, ou sempre te involucras dunha maneira ou doutra nelas.
Sen comentarios
Publicar un comentario