Makinaria

Comentario de Juan Ares Pérez 


Makinaria
Carlos Negro
Xerais

Boa falta me facía a min ler un libro tan bo como este. Makinaria é un libro de poesía, e cando mo dixeron xa o asociei como aburrido, como case todos o facemos. Pero non foi así. Despois de lelo, atopeime cunha felicidade inexplicable. Certamente este libro nalgunha das súas poesías, parece como unha canción de rap, como en Sound Play Session Vol. 2, na cal, as estrofas que máis me gustaron foron:

'da cama te levantas            'solitario e preso                  'buscas a saída

escravo do que manda       vendido por un peso             cego ante a caída

outra vez aguantas               nada de progreso             mañá será outro día

o cuspe na garganta'           o mundo está reseso'      e o luns monotonía'

'cóntame da vida          

das rúas sen saída           

do medo a caída      

as noites de fuxida'          

Realmente este libro é marabilloso.

Outras poesías que tamén me gustaron son aquelas que falan de sexo, como "Fast Food" e "Power Racing Love". Tamén me gustou o de "No Way", que fala dos pais, e do pesados que poden chegar a ser ás veces, pero que ó final fano para intentar axudarnos e guiarnos, como ben di no libro, ó día de mañá. Por outro bando, eu non estou moi ligado ó mundo das motos, pero gustoume como trata o tema e o final inesperado que ten. 

En fin, non teño palabras para describilo, simplemente o relerei unha e outra vez ata que se quede comigo para sempre.