Ámote Leo A. Estación de tránsito

Comentario de Denise Varela


Ámote Leo A. Estación de tránsito
Rosa Aneiros
Xerais

Ámote Leo A. Estación de tránsito é a segunda parte da triloxía Ámote Leo A., da escritora Rosa Aneiros. Nesta nova etapa descubrimos novos lugares, novas aventuras e en especial moito entretemento. Poderemos visitar lugares preciosos e máxicos, que poden chegar a sorprenderte.

Dende o meu punto de vista, a min a segunda parte gustoume moito máis que a primeira. Visitou lugares que me gustaban moito, e sobre todo a maneira de situarte era incrible. Parecía realmente coma se sentises onde se atopaba a protagonista.  Polo que podo dicir que a maneira de narrar e describir as cousas de Rosa Aneiros segue sen defraudarme.

 Nesta nova aventura, sorprendeume moito a maneira de Leo A., a súa personalidade en concreto atráeme moito, esa tranquilidade, combinada  ó mesmo tempo co atrevida que é. Esta é unha das razóns que me fai seguir lendo o libro continuamente.

O final desta parte deixoume bastante sorprendida. Podo dicir que é o último que me podía chegar a esperar. Penso que ao final da primeira parte podía ter unha idea do que chegaría a pasar... pero neste non sei nada. Teño moitísimas ganas de ler xa a terceira parte!

Sen dúbida, penso que a segunda parte está mellor que a primeira, a cal me encantou tamén.

Non pararei de recomendar as aventuras de Leo!